«Люга́на» (па-італьянску: Lugano) — швайцарскі футбольны клюб з гораду Люгана.
Заснаваны ў 1908 годзе. Трохразовы чэмпіён Швайцарыі, трохразовы ўладальнік Кубка Швайцарыі.
Люгана | |
Поўная назва | Football Club Lugano |
---|---|
Заснаваны | 1908 |
Горад | Люгана, Швайцарыя |
Стадыён | Карнарэда Умяшчальнасьць: 6330 |
Галоўны трэнэр | |
Чэмпіянат | Супэрліга |
· 2022—2023 | 3 месца |
fclugano.com (італ.) |
Футбольны клюб «Люгана» быў сфармаваны 28 ліпеня 1908 году і першыя гады кіраваўся Эрнэстам Карсыні. Упершыню клюб прасунуўся ў найвышэйшы дывізіён толькі ў 1922 годзе. Пасьля некалькіх гадоў ваганьняў паміж лігамі, «Люгана» здабыло свой першы Кубак Швайцарыі ў 1931 годзе. У наступным дзесяцігодзьдзі футбалісты з поўдня краіны здабылі тры тытулы чэмпіёнаў Швайцарыі ў 1938, 1941 і 1949 гадах. Першыя пяцьдзясят гадоў свайго існаваньня клюб ладзіў свае хатнія матчы на стадыёне Кампа Марцыё, але з нагоды добрых вынікаў каманды горад пабудаваў клюбу новы стадыён Карнарэда. Арэна была адкрытая 26 жніўня 1951 году і першапачаткова зьмяшчала 15 тысяч гледачоў.
У 1968 годзе «Люгана» здабыў свой чарговы Кубак Швайцарыі, дзякуючы чаму атрымаў права на ўдзел у розыгрышы Кубка ўладальнікаў кубкаў. Дэбют у эўрапейскім турніры быў няўдалым, бо швайцарцы двойчы саступілі гішпанскай «Барсэлёне». У дадатак матч у гасьцях быў зусім кепскім, бо люганцы атрымалі паразу зь лікам 3:0. Праз два гады «Люгана» дэбютавала і ў Кубку УЭФА, але тамака таксама выбылі ўжо ў першым раўндзе, у двубоі саступіўшы польскай «Легіі».
|
|
This article uses material from the Wikipedia Беларуская (тарашкевіца) article Люгана (футбольны клюб), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.