Крапіўніцкі

Адміністрацыйны цэнтар Кіраваградзкай вобласьці і Крапіўніцкага раёну. Плошча 103 км². Насельніцтва 229 632 чал. (2017).

Крапіўніцкі
укр. Кропивницький
Герб Крапіўніцкага Сьцяг Крапіўніцкага
Першыя згадкі:	1754
Краіна:	Украіна
Вобласьць:	Кіраваградзкая
Плошча:	103 км²
Насельніцтва
колькасьць:	229 632 чал. (2017)
шчыльнасьць:	2229,44 чал./км² (2017)
нацыянальны склад:	украінцы — 85,8% расейцы — 12,0% беларусы — 0,5% (2001)
Часавы пас:	UTC+2
летні час:	UTC+3
Тэлефонны код:	+380-522
Паштовыя індэксы:	25000—25490
Геаграфічныя каардынаты:	48°30′37″ пн. ш. 32°16′0″ у. д. / 48.51028° пн. ш. 32.26667° у. д. / 48.51028; 32.26667 32°16′0″ у. д. / 48.51028° пн. ш. 32.26667° у. д. / 48.51028; 32.26667
Крапіўніцкі на мапе Ўкраіны Крапіўніцкі
Галерэя здымкаў у Вікісховішчы
http://www.kr-rada.gov.ua/

Знаходзіцца за 250 км на поўдзень ад Кіева. Вузел аўтамабільных шляхоў, чыгуначная станцыя на лініі Чарналеская — Памочная, аэрапорт.

У 1934—2016 гадах горад меў назву ў гонар расейскага савецкага палітычнага дзеяча Сяргея Кірава, які ніколі ў ім ня быў і ніякім чынам зь ім не зьвязаны.

У грамадзкасьць уздымала пытаньне пра неабходнасьць перайменаваньня места, у 2001 праводзіўся адпаведный мескій рэфэрэндум.

14 ліпеня 2016 году горад быў перайменаваны ў Крапіўніцкі, у гонар Марка Крапіўніцкага — аднаго з заснавальнікаў украінскага прафэсійнага тэатру.

• 1754: заснаваньне фартэцыі Сьв. Лізаветы, зь якім зьвязваюць пачатак гісторыі сучаснага места.
• 1775: мястэчка вакол фартэцыі пачало звацца Лізаветградам (дагэтуль, на думку шэрагу ўкраінскіх гісторыкаў, яно мела назву Новаказачын).
• 1784: атрымаў статус места, цэнтар павету.
• 1797: у Наварасейскай губэрні, з 1802 — у Мікалаеўскай, а з 1803 — у Хэрсонскай губэрні
• 1919: у складзе ЎССР.
• 1932: у Адэскай вобласьці.
• 1939: цэнтар вобласьці.
• 5 жніўня 1941 — 5 студзеня 1943: знаходзіўся пад нямецкай акупацыяй.

• 1939 — 103 тыс. чал.
• 1959 — 132 тыс. чал.
• 1972 — 201 тыс. чал.
• 1991 — 277,9 тыс. чал.
• 2001 — 254 тыс. чал.

Мова

Прадпрыемствы машынабудаваньня, лёгкай, харчовай і горнай прамысловасьці.

Асноўныя заводы: ЗАТ «Гідрасіла Груп» (па-ўкраінску: ЗАТ «Гідросила Груп», распрацоўка і вытворчасьць гідраўлічных сілавых машынаў і кампанэнтаў гідрамашынаў), ААТ «Чырвоная Зорка» (па-ўкраінску: ВАТ «Червона зірка», вытворчасьць засевак і тэхнікі па апрацоўцы глебы), ЗАТ НВП «Радый» (па-ўкраінску: ЗАТ НВП «Радій», электроніка, сыстэмы абароны і кіраваньня для атамных электрастанцыяў).

Да гістарычна-архітэктурных помнікаў Крапіўніцкага належаць:

• Катэдральны сабор Раства Багародзіцы (Грэцкая царква, 1805—1812);
• Рэшткі Фартэцыі Сьв. Лізаветы (XVIII ст.);
• Комплекс збудаваньняў вайсковага мястэчка (кан. 1840-х — пач. 1850-х);
• Сабор Праабражэньня Гасподняга (XVIII—ХІХ стагодзьдзі);
• Царква Покрыва Прасьв. Багародзіцы (1850—1875);
• Харальная сынагога (1853).

•  
  Сабор Праабражэньня Гасподняга
•  
  Збудаваньне ў стылі мадэрн
•  
  Мастацкі музэй
•  
  Інгул у Крапіўніцкім
•  
  Вуліца Кірава
•  
  Стадыён «Зірка»
•  
  Пешы мост праз Інгул
•  
  Меская рада

• Добрыч, Баўгарыя

• Уладзімер Віньнічэнка (1880—1951) — украінскі дзяржаўны дзяяч, літаратар і публіцыст
• Мозэс Гомбэрг (1866—1947) — амэрыканскі хімік-арганік, вядомы як «бацька хіміі радыкалаў»
• Яраслаў Івашкевіч (1894—1980) — польскі пісьменьнік, паэт, драматург, перакладнік
• Іван Карпенка-Карый (Табілевіч) (1845—1907) — украінскі драматург і артыст
• Марка Крапіўніцкі (1840—1910) — украінскі драматург, артыст, рэжысэр і адзін з заснавальнікаў сталага прафэсійнага ўкраінскага тэатру ў Лізаветградзе
• Ігар Крутой (нар. 1954) — расейскі кампазытар
• Генрых Нэйгауз (1888—1964) — піяніст, пэдагог і публіцыст
• Караль Шыманоўскі (1882—1937) — польскі кампазытар, піяніст, пэдагог, музычны крытык, адзін з найбольш відных дзеячоў польскай музычнай культуры першай паловы XX ст.

• Elizabetgród // Słownik geograficzny Królestwa Polskiego i innych krajów słowiańskich. Tom II: Derenek — Gżack. — Warszawa, 1881. S. 344—345
• Елизаветград // Энциклопедический словарь Брокгауза и Ефрона: В 86 томах (82 т. и 4 доп.). СПб, 1890—1907.

• Кіраваградзкая меская рада
• Розподіл населення за національністю та рідною мовою  (укр.)