Конахт: гістарычная правінцыя Ірляндыі

Найбуйнейшыя населеныя пункты — Галўэй на поўдні і Слайга на поўначы, але толькі Галўэй зьяўляецца местам. Насельніцтва складае 503 083 чалавекі, што зьяўляецца найменшым паказчыкам сярод усіх ірляндзкіх правінцыяў.

Канахт
ірл. Chonnacht, анг. Connacht
Герб	Сьцяг
Агульныя зьвесткі
Краіна	Ірляндыя
Статус	Гістарычная правінцыя
Улучае	графствы
Найбуйнейшыя гарады	Голўэй, Слайга
Насельніцтва (2006)	503 083 (4-е месца)
Плошча	17 713 км² (4-е месца)
Месцазнаходжаньне Конахту
Мэдыя-зьвесткі
Часавы пас	UTC+0
Код ISO 3166-2	IE-C
Дадатковыя мультымэдыйныя матэрыялы

У гістарычным дачыненьні Конахт зьяўляецца рэгіёнам Ірляндыі, які меў найменшы кантроль нарманаў у ХІІ стагодзьдзі і пазьней за астатнія трапіў пад кантроль Ангельшчыны (потым — Вялікабрытанія), чаму спрыяла малая заселенасьць, ізаляванасьць і непрывабны характар тамтэйшых зямельных надзелаў. Да ангельскага панаваньня Конахт, як і іншыя рэгіёны востраву, кіраваўся пляменнымі правадырамі. Пазьней, пры ангельскім і вялікабрытанскім панаваньні рэгіён стаў месцам высяленьня найменш ляяльных ураду ірляндцаў, якія бралі ўдзел у паўстаньнях. Апрача таго, досыць ізаляваны й індустрыяльна слаба разьвіты характар рэгіёну паспрыяў таму, што моўная асыміляцыя закранула рэгіён менш за ўсё, у выніку чаго цяперашні Конахт — адно з найбуйнейшых месцаў засяроджваньня гэлтахтаў, тэрыторыяў востраву, дзе ў паўсядзённым ужытку захоўваецца ірляндзкая мова.

Геаграфічна Конахт вылучаецца сярод іншых рэгіёнаў Ірляндыі параўнальна беднымі глебамі, праз што мясцовая гаспадарка не засноўвалася на сельскагаспадарчых галінах. У моўным дачыненьні ў гістарычнай правінцыі быў распаўсюджаны конахцкі дыялект (цяпер толькі ў гэлтахтах гэтага рэгіёну), які пакладзены ў аснову літаратурнае ірляндзкае мовы.

Гэта — накід артыкула пра Ірляндыю. Вы можаце дапамагчы Вікіпэдыі, пашырыўшы яго.