Геранім Валовіч

Пісар вялікі літоўскі (1589—1618), падскарбі дворны (1600—1605) і земскі літоўскі (1605—1618), падканцлер вялікі літоўскі (1618—1619), староста генэральны жамойцкі (з 1619). Трымаў Кобрынскае староста.

Геранім Валовіч

Геранім Валовіч
Герб «Багорыя»
Асабістыя зьвесткі
Нарадзіўся	к. 1573 Горадня
Памёр	1636(1636) Цытавяны
Род	Валовічы
Бацькі	Рыгор Валовіч ?
Жонка	Альжбета з Гаслаўскіх
Дзеці	Тэкля Ганна
Дзейнасьць	палітык, дзяржаўны дзяяч

Вікіпэдыя мае артыкулы пра іншых асобаў з прозьвішчам Валовіч.

 

Прадстаўнік шляхецкага роду Валовічаў гербу «Багорыя», сын Рыгора, ваяводы смаленскага. Меў братоў Андрэя, Яўстаха і Паўла.

Набліжаны да караля і вялікага князя Жыгімонта Вазы, быў ягоным сакратаром. Займаў шэраг дзяржаўных пасадаў.

У Горадні збудаваў мост празь Нёман. Фундаваў некалькі касьцёлаў, апекваўся будовай Цытавянскага кляштару бэрнардынаў.

Ажаніўся з Альжбетай Гаслаўскай (да 1608). У шлюбе меў дачку Тэклю Ганну.

Будучы падскарбіем вялікім літоўскім, зьмяшчаў свой герб «Багорыя» ці манаграму HW на манэтах Вялікага Княства Літоўскага:

• шэлегі — 1614—1618
• грошы — 1607—1615
• 5 дукатаў — 1618

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
• Энцыклапедыя гісторыі Беларусі. У 6 т. / Беларус. Энцыкл.; Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1994. — Т. 2: Беліцк — Гімн. — 537 с. — ISBN 5-85700-142-0

  Геранім Валовіч — сховішча мультымэдыйных матэрыялаў