Ворскла Палтава: украінскі футбольны клюб

Заснаваны ў 1955 годзе. Уладальнік Кубка Украіны (2009).

Ворскла
Поўная назва	ФК «Ворскла» Полтава
Заснаваны	1955
Горад	Палтава, Украіна
Стадыён	Ворскла Умяшчальнасьць: 24 795
Кіраўнік	Канстанцін Жавага[d]
Галоўны трэнэр	Віктар Скрыпнік[d]
Чэмпіянат	Прэм’ер-ліга
· 2022—2023	5 месца
Галерэя здымкаў у Вікісховішчы vorskla.com.ua (укр.)​ (анг.)

У 1955 годзе ў Полтаве была створаная каманда «Калгасьнік», які меў на мэце быць прадстаўніком Палтаўшчыны і спартовага таварыства «Колас». Сярод запрошаных гульцоў мясцовых футбалістаў было небагата, а найлепшым сярод палтавянаў быў брамнік Станіслаў Басюк. Першым трэнэрам каманды быў прызначаны Канстанцін Скрыпчанка, які за час гульнявой кар’еры быў вядомым брамнікам кіеўскага «Дынама» і данецкага «Стаханаўца». Першыя два гады дружына брала ўдзел у чэмпіянаце Ўкраіны сярод камандаў фізычнае культуры, а ў 1956 годзе «Калгасьнік» здабыў Кубак УССР, перамогшы «Машынабудаўнік» у фінале. Такі посьпех падштурхнуў кіраўніцтва клюбу да таго, каб узяць удзел у усесаюзных спаборніцтвах у клясе Б.

Заявіўшыся ў чэмпіянат СССР клясы Б, клюб правёў у лізе каля 11 сэзонаў. Галоўнай зоркай першых сэзонаў стаў нападнік Яўген Залатухін, але ў 1962 годзе ён сышоў з каманды. У 1965 годзе назва клюбу зьмянілася на «Колас». У 1968 годзе новым назовам стаў «Сельбуд», а яшчэ праз год за клюбам была замацаваная назва «Будаўнік». У тым жа годзе за клюб некалькі матчаў правяла колішняя зорка данецкага «Шахтара» Юры Ананчанка. Пасьля рэарганізацыі савецкага футболу ў 1971 годзе каманда была сталым удзельнікам украінскае зоны Другой лігі. Сэзон за клюб правёў беларус Віталь Старухін, які пазьней стаў сапраўднай зоркай данецкага «Шахтара». У 1973 годзе каманда зноў пачала менавацца «Колас». Каманда разьвіталася з статусам каманды майстроў у 1982 годзе, калі палтаўская дружына заняла апошняе 24 месца ў 6-й зоне Другой лігі. Каманда перастала існаваць, а большасьць гульцоў накіраваліся да «Каапэратару», які браў удзел у аматарскім чэмпіянаце Украіны.

Узімку 1984 году галоўная каманда рэгіёну была адраджаная, але пад назвай «Ворскла». Кіраўніцтва клюбу здолела вярнуць гульцоў былога «Коласа», як то Юрыя Мармача, Івана Іванчанка, Уладзімера Пракапіненка і Юрыя Рэзьніка. На мэце ў каманды было вяртаньне ў Другую лігу чэмпіянату СССР. У сэзоне 1984 году палтаўскі клюб прабіўся да фінальнага турніру сярод дружынай фізычнае культуры, але клюб ня даў рады. Толькі ў 1986 годзе дружына здолела здабыць перамогу ў аматарскім першынстве і, такім чынам, прасунулася ў Другую лігу. Каб узмацніцца перад пачаткам сэзону да Палтавы вярнуўся Іван Шары, які абараняў колеры кіеўскага «Дынама» і адэскага «Чарнаморцу», а таксама брамнік Алег Маргун, які гуляў за «Таўрыю», «Шахтар» і маскавіцкае ЦСКА. «Ворскла» няблага выступала ў наступныя гады, гэтак у 1988 годзе каманда здабыла срэбра ў сваёй зоне, саступіўшы чэмпіёну «Букавіне» толькі 2 пункты.

Актуальны на 24 лютага 2024 году

№ Пазыцыя Імя Год нараджэньня 4   Аб Ігар Пэрдута 1990 5   Аб Лукас Рамірэс 2002 6   ПА Аляксандар Скляр 1991 7   Бр Павал Ісенка 2003 9   Аб Віктар Карніенка (ар. Шахтар) 1999 11   Нап Руслан Сьцепанюк 1992 17   Аб Уладзімер Часнакоў (капітан) 1988 18   Аб Яўген Паўлюк 2002 20   Нап Т’ягу Куньня (ар. Гуарані) 2003 21   Аб Сылвіё Вокры 2001 22   Нап Мікола Каўталюк 1995 25   ПА Наджыб Якубу 2000 27   Аб Ільля Крупскі 2004 29   Аб Андрэй Бацула 1992 30   ПА Іван Несьцярэнка 2003

№ Пазыцыя Імя Год нараджэньня 33   Нап Сяргей Мякушка 1993 38   ПА Арцём Чалядзін 1999 40   ПА Дзьмітры Чэрныш 2004 43   Нап Уладзіслаў Астроўскі 2004 44   Аб Данііл Хрыпчук 2003 47   Нап Амількар Каджаві 2002 50   ПА Ібраім Кан 2000 61   Бр Аляксандар Дамалега 2003 74   Аб Т’ягу Сантана (ар. Мэтрапалітану) 1998 77   ПА Ардыт Толі 1997 89   Нап Родэл Рычардс 2000 92   ПА Самбу Сысако 1999 95   Аб Фэліпэ Радрыгес 1995 96   Бр Данііл Ярмолаў 2000

• Афіцыйны сайт