Футбольны Клюб Цска Масква: расейскі футбольны клюб

Шасьціразовы чэмпіён Расеі, васьміразовы ўладальнік Кубка Расеі. Сяміразовы чэмпіён СССР, пяціразовы ўладальнік Кубка СССР. Уладальнік Кубка УЭФА (2005). ЦСКА зьяўляецца адным з найстарэйшых і самых тытулаваных расейскіх клюбаў у постсавецкай гісторыі, які вядзе сваю гісторыю ад каманды ТАЛС (таварыства аматараў лыжнага спорту), заснаванага ў 1911 годзе.

ЦСКА
Поўная назва	па-беларуску: ЦСКА (Масква)
Заснаваны	1911
Горад	Масква, Расея
Стадыён	ВЭБ Арэна Умяшчальнасьць: 30 000
Кіраўнік	Яўген Гінер[d]
Галоўны трэнэр	Уладзімер Фядотаў[d]
Чэмпіянат	Прэм’ер-ліга
· 2022—2023	2 месца
Хатнія колеры Выязныя колеры
Галерэя здымкаў у Вікісховішчы Афіцыйны сайт

У сэзоне 2009—2010 гадоў ЦСКА выйшаў у першы раз у сваёй гісторыі ў 1/8 фіналу Лігі чэмпіёнаў. Тады расейская каманда сустракалася з гішпанскай «Сэвільляй» і паводле вынікаў сустрэч ЦСКА перайшлі ў наступны раўнд, дзе з аднолькавым лікам 0:1 саступілі італьянскаму «Інтэру».

ЦСКА зьяўляецца трэцім самым папулярным клюбам у Расеі пасьля «Спартаку» й «Зэніту».

1911—1935

 

Гісторыя футбольнага клюбу ЦСКА пачалася ў 1911 годзе, калі ў Таварыстве аматараў лыжнага спорту (ТАЛС) была арганізавана футбольная сэкцыя. На базе гэтай футбольнай сэкцыі было сфарміравана тры каманды, якія ў тым жа годзе ўпершыню прынялі ўдзел у чэмпіянаце Масквы ў клясе «Б». 14 (27) жніўня 1911 году быў згуляны першы афіцыйны матч каманды ТАЛС з клюбам «Вэга». Матч скончыўся перамогай футбалістаў ТАЛС зь лікам 6:2. У 1917 годзе каманда заваявала першае месца ў Казанскай лізе (першынстве камандаў, якія разьмяшчаліся ў дачных мясцовасьцях уздоўж Казанскай чыгункі) і выйшла ў «А» чэмпіянату Масквы, дзе выступала да 1922 году.

Пасьля сэзону 1917 году частка другой каманды ТАЛС перайшла ў першую. У 1921 годзе ў восеньскім першынстве Масквы (Кубку Фульда) чэмпіён вызначаўся ў «залатым матчы», у якім прымалі ўдзел каманды ТАЛС і КФС. Каманда КФС перамагла зь лікам 6:0. У сэзоне 1922 году футбалісты ТАЛС перамаглі ў вясновым чэмпіянаце Масквы й занялі другое месца ў восеньскім. У тым жа годзе ТАЛС перамагла ў розыгрышу «Кубку КФС — Каламягі», у фінале якога па рэглямэнце сустракаліся пераможцы першай і другой ліг маскоўскага чэмпіянату, і «Кубак Сталіца» у якім сустракаліся чэмпіёны Масквы й Петраграда. Сэзон 1922 году быў апошнім, у якім каманда выступала пад назвай ТАЛС.

У сэзоне 1923 году ў савецкім спорце наступілі перамены. «Буржуазны» спорт вырашылі паставіць на сацыялістычныя рэйкі. Усе старыя спартовыя таварыствы былі зачыненыя альбо расфармаваныя, а на іхняй аснове былі ўтвораны ведамасныя каманды. Усе чальцы «старых» камандаў залічваліся ў адпаведныя ведамствы, а маёмасьць (у тым ліку стадыёны й спортпляцоўкі) перадаваліся новым камандам. Спартоўцы ТАЛС ўліліся ў наваствораную супольнасьць Досьледна-паказальнай пляцоўцы Ўсевобуча (ДППУ), створаная пад крылом Чырвонай арміі. Сярод асноўных мэтаў ДППУ значыліся праца па агульнай і ваеннай падрыхтоўцы дапрызыўнікоў і фізычнае аздараўленьне дапрызыўнікоў і байцоў Чырвонай арміі.

Актуальны на 24 лютага 2024 году

№ Пазыцыя Імя Год нараджэньня 2   Аб Келвэн 2001 4   Аб Віліян Роша 1995 5   ПА Саша Зьдзелар 1995 6   ПА Максім Мухін 2001 7   Нап Віктар Давіля 1997 9   Нап Фёдар Чалаў 1998 10   ПА Іван Аблякоў 1998 11   Нап Тамерлан Мусаеў 2001 14   Аб Кірыл Набабкін 1986 17   Нап Кірыл Глебаў 2005 19   ПА Сыд Агмэд Айсаўі 2005 21   ПА Абасбэк Файзулаеў 2003

№ Пазыцыя Імя Год нараджэньня 22   Аб Мілан Гаіч 1996 27   Аб Мойзэс 1995 31   ПА Мацьвей Кісьляк 2005 35   Бр Ігар Акінфееў (капітан) 1986 49   Бр Уладзіслаў Торап 2003 68   Аб Міхаіл Радно 2005 77   Аб Ільля Агапаў 2001 78   Аб Ігар Дзівееў 1999 88   ПА Віктар Мэндэс 1999 90   Аб Мацьвей Лукін 2004 91   Нап Антон Забалотны 1991 96   Аб Аміргасэйн Рэйвандзі (ар. КІА) 2004

• Афіцыйны сайт
• Сайт заўзятараў ФК ЦСКА