Вера Бурлак

2 красавіка 1977) — беларуская паэтка, перакладніца, літаратуразнаўца.

Вера Бурлак
Асабістыя зьвесткі
Імя пры нараджэньні	Вера Юр’еўна
Псэўданімы	Джэці
Нарадзілася	2 красавіка 1977(1977-04-02) (47 гадоў) Кіеў, УССР, СССР
Сужэнец	Віктар Жыбуль
Літаратурная дзейнасьць
Род дзейнасьці	выкладчыца, перакладчыца
Кірунак	постмадэрнізм
Жанр	верш, пераклад
Мова	украінская мова і беларуская мова
Дэбют	2001
Прэміі	Узнагарода інтэрнэт-часопісу «ПрайдзіСвет» (2010)
Узнагароды	Прэмія імя Карласа Шэрмана (2018) прэмія Цёткі
Творы на сайце Knihi.com

Скончыла музычную школу па клясе фартэпіяна, філялягічны факультэт БДУ (2001), асьпірантуру (2004). Кандыдат філялягічных навук (2005). Выкладае расейскую літаратуру ў БДУ. З 1997 зьяўляецца нязьменным галоўным рэдактарам самвыдавецкага часопісу «Вясковыя могілкі».

Вонкавыя відэафайлы
	Фядута ўручае прэмію Веры Бурлак. «ПрайдзіСвет»

Вершы піша з дашкольных гадоў, актыўна друкавацца пачала ў 2001. Аўтарка некалькіх самвыдавецкіх зборнікаў, кнігі вершаў «За здаровы лад жыцьця» (2003). Займаецца літаратуразнаўствам, дасьледуе паэзію для дзяцей, выдала манаграфію «Детская поэзия Серебряного века: Модернизм» (2004). Зрабіла шэраг перакладаў паэзіі й прозы з ангельскай, расейскай, украінскай моў. У 2010 годзе скончыла пераклад твора Льюіса Кэрала «Скрозь Люстэрка, і Што ўбачыла там Аліса». Творы Веры Бурлак перакладаліся на ангельскую, нямецкую, польскую, расейскую, украінскую, чэскую й мову эспэранта.

Выступае як аўтарка й выканаўца ўласных песьняў, як вакалістка й інструмэнталістка (гітара, клявішы) арт-панк-гурту «Засралі казарму». Супрацоўнічае з ансамблем непапулярнай музыкі «Рацыянальная дыета». Грае ў пастаноўках тэатра «Цуд» Ільлі Зданевіча ў п’есах «Янка Крулянбанскі», «Падарожжа ў пекла».

Удзельнічала ў міжнародных праектах «Вечар маладых паэтаў Беларусі» (Расея, Масква, 2001), «Сувязьразрыў» (Украіна-Беларусь, 2004), «Парадак слоў» (Менск, 2006, 2007), «Дні беларускай і швэдзкай паэзіі(ru)» (Менск-Горадня-Пінск, 2007), «Месяц аўтарскага чытаньня» (Брно, 2007) і інш.

• 2003 — «За здаровы лад жыцьця», вершы
• 2008 — «Забі ў сабе Сакрата!», вершы

Вонкавыя відэафайлы
	Вера Бурлак на Дні ўсіх перакладчыкаў «ПрайдзіСвет»

• 2009 — Мантэгю Родз Джэймз «Студня Стогнаў»
• 2009 — Ёсіф Бродзкі «Калядная зорка», «Уцёкі ў Эгіпет (ІІ)»
• 2010 — Льюіс Кэрал «Скрозь Люстэрка, і Што ўбачыла там Аліса» (Lewis Carroll «Alice’s Adventures in Wonderland» (1865))

• Вера Бурлак: «У літаратуры любога часу лічу каштоўнымі натуральнасць і дабрыню».
• Вера Бурлак на КАМУНІКАЦЕ
• Вершы на старонках «Нашай Нівы»(недаступная спасылка) //«Наша Ніва» — 2005 — №33
• Вера Бурлак «Яшчэ адна сьняжынка», калядная казка //«Наша Ніва», 24 сьнежня 2009