Асыры́йская царква́ Ўсхо́ду (па-клясычнасырыйску: ܥܕܬܐ ܕܡܕܢܚܐ ܕܐܬܘܪܝܐ), афіцыйная назва — Сьвятая Апостальская Ўсяленская Асырыйская Царква Ўсходу (па-клясычнасырыйску: ܥܕܬܐ ܩܕܝܫܬܐ ܘܫܠܝܚܝܬܐ ܩܬܘܠܝܩܝ ܕܡܕܢܚܐ ܕܐܬܘܪܝܐ ʻIttā Qaddishtā w-Shlikhāitā Qattoliqi d-Madnĕkhā d-Āturāyē) — царква асырыйскае традыцыі, гістарычным цэнтрам якое зьяўляюцца Асырыя ды паўночная Мэсапатамія.
Паводле афіцыйнай пазыцыі царквы, яна зьяўляецца непасрэднаю наступніцай гістарычнае Царквы Ўсходу, то бок кананічна прызнанай гістарычнай патрыяршай катэдры Сэлеўкіі-Ктэсыфону, якая зьяўлялася незалежнаю ўжо з апостальскіх часоў. Сучасная Асырыйская Царква Ўсходу не падтрымлівае эўхарыстычных зьвязкаў ані з праваслаўнымі царквамі бізантыйскай традыцыі, ані зь іншымі ўсходнімі праваслаўнымі царквамі, ані з Каталіцкаю царквой. Нягледзячы на гэтае, у шэрагу навуковых працаў яна разглядаецца разам зь іншымі нехалькідонскімі царквамі.
This article uses material from the Wikipedia Беларуская (тарашкевіца) article Асырыйская царква Ўсходу, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.