Арыбэ Пэральта: мэксыканскі футбаліст
Ары́бэ Пэра́льта Маро́нэс (па-гішпанску: Oribe Peralta Morones; нарадзіўся 12 студзеня 1984 году, Тарэон, Мэксыка) — былы мэксыканскі футбаліст, нападнік.
Выступаў у складзе нацыянальнай зборнай Мэксыкі. Алімпійскі чэмпіён 2012 году ў Лёндане, а таксама найлепшы футбаліст КОНКАКАФ 2013 году.
| Арыбэ Пэральта | ||
 | ||
| Пэрсанальная інфармацыя | ||
|---|---|---|
| Нарадзіўся | 12 студзеня 1984 (40 гадоў) | |
| Рост | 178 см | |
| Вага | 72 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2003—2004 2004 2004—2006 2006—2014 2008—2009 2014—2019 2019—2022 | Марэлія Леон Мантэрэй Сантас Лягуна → Ч’япас (арэнда) Амэрыка Гвадаляхара | 2 (0) 33 (10) 64 (11) 223 (83) 34 (12) 182 (59) 33 (1) |
| Зборныя | ||
| 2005—2018 | Мэксыка | 67 (25) |
Кар’ера
Клюбная
Пэральта дэбютаваў у прафэсійным футболе за клюб «Марэлія» 22 лютага 2003 году, выйшаўшы на замену ў другім тайме ў матчы супраць «Амэрыцы». Пазьней Арыбэ перайшоў у склад клюбу другога дывізіёну «Леон». Паводле вынікаў сэзону Арыбэ выйшаў у 33 матчах і забіў 10 галоў, а клюб выйшаў у вышэйшы дывізіён. Пасьля гэтага гулец далучыўся да табару клюбу «Мантэрэй», аднак свае зорныя сэзоны гулец правёў у клюбе «Сантас Лягуна», разам зь якім двойчы стаў чэмпіёнам Мэксыкі.
13 траўня 2014 году, было абвешчана, што Пэральта быў прададзены ў клюб «Амэрыка». Не зважаючы на тое, што дэталі трансфэру не былі прадстаўлены, лічыцца, што «Амэрыка» заплаціла за гульца 10 млн даляраў ЗША, што зрабіла гэтую ўгоду самай дарагой у гісторыі мэксыканскага футболу.
Міжнародная
Пэральта дэбютаваў у складзе зборнай Мэксыкі выйшаўшы на апошняй замене падчас таварыскага матчу супраць зборнай Аргентыны 9 сакавіка 2005 году. Ён быў уключаны ў сьпіс да падрыхтоўкі да чэмпіянату сьвету 2006 году, але ня быў уключаны ў канчатковы склад. Гулец быў уключына ў склад нацыянальнай каманды на чэмпіянат сьвету 2014 году.
Дасягненьні
«Леон»
- Чэмпіён Мэксыкі: 2004(к)
«Сантас Лягуна»
- Чэмпіён Мэксыкі: 2008(к), 2012(к)
«Амэрыка»
- Чэмпіён Мэксыкі: 2014(а), 2018(а)
- Уладальнік Кубка Мэксыкі: 2019(к)
- Пераможца Лігі чэмпіёнаў КОНКАКАФ: 2015, 2016
Мэксыка:
- Пераможца летніх Алімпійскіх гульняў: 2012
- Уладальнік Залатога кубка КОНКАКАФ: 2015
- Удзельнік летніх Алімпійскіх гульняў: 2012, 2016
Крыніцы
Вонкавыя спасылкі
- Профіль на Transfermarkt
- Статыстыка на National Football Teams
- Профіль на 2014 FIFA World Cup
This article uses material from the Wikipedia Беларуская (тарашкевіца) article Арыбэ Пэральта, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.