Аляксандар Пацей
Аляксандар Пацей (? — сакавік 1770) — дзяржаўны дзяяч Вялікага Княства Літоўскага.
Падчашы вялікі літоўскі (1724—1739), кашталян віцебскі (1739—1740) і троцкі (1740—1742), ваявода троцкі (з 1742).
.jpg) Аляксандар Пацей | |
 Герб «Вага» | |
| Асабістыя зьвесткі | |
|---|---|
| Нарадзіўся | 1698 |
| Памёр | 1770 |
| Пахаваны | |
| Род | Пацеі |
| Бацькі | Казімер Аляксандар Пацей Ганна Тэрэза зь Летаваў |
| Дзеці | Людвік Пацей, Леанард Пацей, Ганна з Пацеяў[d] і Караліна з Пацеяў[d] |
| Дзейнасьць | палітык |
Быў старостам рагачоўскім, алькеніцкім і ковенскім. Кавалер Ордэна Белага Арла (1746).
Біяграфія
Прадстаўнік шляхецкага роду Пацеяў гербу «Вага», сын Казімера Аляксандра, ваяводы віцебскага, і Ганны Тэрэзы зь Летаваў. Меў братоў Антонія (пам. у 1749), стражніка вялікага, і Міхала (пам. у 1787), старосту рагачоўскага.
У 1724 годзе атрымаў урад падчашага вялікага літоўскага, у 1739 годзе — кашталяна віцебскага, у 1740 годзе — кашталяны троцкага, у 1742 годзе — ваяводы троцкага. У 1745 годзе быў маршалкам Галоўнага Трыбуналу.
У 1720 годзе ажаніўся з Тэрэзай Война-Ясянецкай (пам. па 1743), удавой кашталяна амсьціслаўскага Канстантына Бэнэдыкта Бжастоўскага. У шлюбе нарадзіліся дзеці:
- Людвік (? — 1771), стражнік вялікі літоўскі
- Леанард (? — 1774), стражнік вялікі літоўскі па браце
- Караліна (1732—1776), жонка падкаморага вялікага літоўскага Станіслава Радзівіла
- Ганна (1720—1788), жонка ваяводы смаленскага Юзэфа Тышкевіча
Крыніцы
Літаратура
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
This article uses material from the Wikipedia Беларуская (тарашкевіца) article Аляксандар Пацей, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.