Yad Vashem
An Yad Vashem (Hebrew: יָד וַשֵׁם; literalmente, sarong monumento asin sarong pangaran) iyo an opisyal na memorial kan Israel para sa mga biktima sa Holokausto.
An katuyohan kaini masaray asin dai nanggad malingawan an mga nagadan: ini pag'onra sa mga Hudyo nag'aging makuring sakit asin naglaban sa pang'aapi kan mga Nazi; sa pagromdom man sa mga inapod na Gentil (bakong tal na Hudyo) nagtabang maski labi-labing peligro sa sadiring buhay, duman sa mga Hudyo sa momento nin pangangaipo ninda, asin man an museo magsirbi sa pag'adal kan penomenom nin Holokausto sa partikular asin sa henosidyo en heneral, ngarig an mga ini daina mangyari liwat.
Tinogdas kan 1953, an Yad Vashem namomogtak sa bakilid na parte kan Bukid Herzl, bandang solnopan. Binansagan Bukid nin Pagromdom, an bukid yaon sa bandang solnopan kan Jerusalem, 804 metro (2,638 pye) an taas sa lebel kan dagat asin kadolon an Kadlagan Jerusalem. An memorial igwa nin 180-dunam (18.0 hektarya) na kahiwasan, sarong colmplex binibilog kan mga minasunod: Holocaust History Museum, mga situ memorial arog kan Children's Memorial, asin Hall of Remembrance, an Museo nin Holokaustong Arte, iskultura, mga commemorative site arog kan Valley of the Communities, sarong synagogue, research institute na may arkibo, library, publishing house, sentro edukasyonal asin International School/Institute for Holocaust Studies.
Mga panluwas na takod
- Yad Vashem website (Ingles)
Toltolan
This article uses material from the Wikipedia Bikol article Yad Vashem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.