Alimbabayod
An alimbabayod (Ingles, millipede) saro sa klaseng hayop napipisan sa Diplopoda asin inaapod na mga myriapod, sarong grupong arthropod na kasararo na diyan an mga alilipan (alohipan) asin iba pang mga insekto na matilaba pero matabilogon an porma asin kadakul mga pinong bitis gamit sa pagkamang.
Ini may dai mababa sa 20 padis na mga bitis-bitis na magkaibong surogpon o pwedeng umabot labing sanggatos, asin nabulokon kun gustong tumago asin an iba kaini nagkukupsit nin kemikal na mabata' an parong kun hinihiro asin natatakot.
An mga alimbabayod mga bagolbolon maghiriro bakong arog kan alilipan na sili-sili na. An kinakarakan kaini mga naglalapang dahon asin iba pang parte kan tinanom na nagraralapa na. An iba kaini nagsusupsop nin fungi o naghihigop mga likido haleng tinanom. An mga ini dai man nakakaonong sa tawo alagad pwedeng peste sa mga hardin asin sa harong orog na sa mga patanoman kun saen pwedeng magratak sa mga bagong tambo. Kadaklan kan siring na hayop nanlalaban paagi nin pagpakupsit nin kemikal asin pagwalat sa kalaban nin mga pinong barahibo. An reproduksyon kaini paagi sa mga "bitis-bitis" inaapod na "gonopod" na nawalat nin esperma sa babaeng alimbabayod.
Toltolan
This article uses material from the Wikipedia Bikol article Alimbabayod, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.