Anne Frank

Saro sa mga inuulayan na biktimang hudyo kan Holocaust, nagin sikat kan pinagpublikar an The Diary of a Young Girl (sa orihinal Het Achterhuis sa Dutch; English: The Secret Annex), kun sain idinokumento niya an saiyang buhay mantang nagtatago kan taong 1942 hanggan 1944, sa mga Aleman kan Netherlands durante kan Ikaduwang Gerang Pankinaban. Ini an saro sa mga bantog na libro asin ginibong dula asin pelikula.

Anne Frank
Anne Frank in 1940
Minundagan	Annelies or Anneliese Marie Frank (1929-06-12)12 Hunyo 1929 Frankfurt, Hesse, Germany
Kagadanan	Pebrero o Marso 1945 (edad 15) Bergen-Belsen concentration camp, Eastern Hanover, Germany
Nilubongan	Bergen-Belsen concentration camp, Lower Saxony, Germany
Kasibotan	Diarist
Pagkahimanwâ	Aleman pagkahimanwa abot 1941 mayong Estado from 1941
Bantog na gibo	The Diary of a Young Girl (1947)
Sadiring-tawo	Otto Frank (ama) Edith Frank (ina) Margot Frank (tugang) Buddy Elias (pinsan)
Lagdâ

Si Frank pinangaki na Annelies or Anneliese Marie Frank kan Hunyo 12, 1929 sa Maingau Red Cross Clinic sa Frankfurt, Germany, an saiyang magurang na sina Edith (née Holländer) asin Otto Heinrich Frank. Igwa syang matuang tugang, si Margot. An mga Franks, mga liberal na Hudyo, asin dae nagpapasakop sa kustombre asin tradisyon kan Judaismo. Nakaistar sinda sa komunidad nin Hudyo asin bakong Hudyo kan manlaenlaen na relihiyon. Si Edith an mas tutok na magurang mientras si Otto mas interesado sa akademya asin may pagkaaram na maray sa library; parehas na tig-motibar an mga aki na magbasa. Kan pinangaki si Anne, an pamilya nag-istar sa Marbachweg 307, asin nagrenta sindang duwang iskalon. Kan 1931 an pamilya naglipat sa Ganghoferstrasse 24 sa lugar nin mga liberal na inaapod na Dichterviertel (Poets' Quarter). An mga harong na ini yaon pa.