Si Alice Marguerite Pegler (21 Hulyo 1861 - 17 Hunyo 1929) sarong maestra sa Timog Aprika asin botanikal na kolektor.
Alice Pegler | |
---|---|
Alice Pegler | |
Kamundagan | Keiskammahoek | Hulyo 21, 1861
Kagadanan | Hunyo 17, 1929 Umtata | (edad 67)
Trabaho | Paratukdo, botanista |
Aking babayi ni S. Mackin Pegler, si Alice naedukar sa Kumbentong Dominikan sa King William's Town. Dawa sinanay bilang sarong paratukdo, binayaan niya an karerang ini asin nag-erok siya sa Kentani kun sain pinadakula asin pinaadal an saiyang mga pamangkin na babayi.
Nag-agi siya nin mga problema sa salud durante kan saiyang buhay asin nagtius sa dai nahahaling problema sa paghiling.
Kan yaon siya sa Kentani, nagpuon an manlainlain na koleksyon nin gabos na flora sa laog kan 5 kilometros na radyus kan baryo.
An saiyang pagkolekta nagbunga nin regular na pakipagsuratan sa mga botanista arog ki Peter MacOwan, Harry Bolus, HHW Pearson, Selmar Schonland asin Iltyd Buller Pole-Evans.
An saiyang mga nota dapit sa mga tinanom sa Kentani sa bilog na mga panahon ipinublikar sa Ann. Bol. Herb. 5: 1-32 (1918).
Siya man nagkolekta man nin mga u'ang, apdo na langaw, lawa, asin amamatak.
Kan 1903, siya nagbyahe pasiring sa Transvaal asin nagkolekta sa pag-ultanan kan Rustenburg asin Johannesburg.
An saiyang nagluluyang salud naging kawsa na siya maging espesyalista sa algae asin fungi.
Sarong komposiyon kan fungi an nakolekta niya kan 1911-14 sa distrito nin Kentani na ipinublikar sa Ann. Bol. Herb. 2: 184-93 (1918).
Si Bolus nagtao nin pagrukyaw sa saiyang pagkolekta sa Vol. 2 kan saiyang mga Orchids of South Africa (1911) asin sinasabing siya saro na, "sa ibong nin delikadong salud, siya pursigiso na mag-aram sa mga flora kan saiyang lugar."
Sa pitong taon bago an saiyang kagadanan, naging siyang sarong inbalido.
An saiyang mga specimen na nagbibilang 2000 idinonar sa South African National Botanical Institute sa Pretorya.
Kan 1912, siya tinawan nin pambihirang onra bilang miyembro kan Linnaean Society.
Naroromdoman siya sa Aloe peglerae , an genus na Peglera Bolus (na naging kasing-kahuluugan para sa Nectaropetalum Engl.), Chironia peglerae Prain, Chionanthus peglerae (C.H. Wr.) Stearn, asin an fungi na Puccinia pegleriana Doidge, Ravenalia peglerae Pole-Evans, Uromyces peglerae Pole-Evans, Ustilago peglerae Bubak & Syd. asin dakul pang iba.
This article uses material from the Wikipedia Bikol article Alice Pegler, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.