Si John Chris Pineda ay namundag kan Hunyo 23, 1996.
Siya ay tubong Sogod, Calabanga, Camarines Sur. Nagtapos siya nin elementarya sa Ratay Elementary School, sekondarya sa Calabanga National High School, asin nag gradwar nin kolehiyo sa Central Bicol State University of Agriculture-Calabanga Campus kan 2018.
Siya ay bikolanong parasurat asin sarong maestro ngonyan sa Vito National High School. Saro siya sa mga nanginot sa "The Writers Project" kun sain siya an nagin pinaka-inot na presidente kan organisasyon.
Nagin panelista siya sa ika-7, 8 asin ika-9 na Saringsing National Writers Workshop,[nangangaipo nin toltolan] pati man sana sa San Miguel Bay Writers Workshop, CBSUA Writers Workshop asin sa iba pang mga ganap panliteratura arog kan Better Living Through Xeroxography Naga. Saro man sana siya sa mga nagin speaker kan ika-duwa asin ika-pitong episode kan Wandering Words, Wandering Worlds kan bulan nin Nobyembre, taon 2023.
Kadakol na siya nin mga naisurat na rawitdawit, saro na duman an "Tula ang Aking Panulat" asin igwa siya nin sadiring napublikar na libro nin mga rawitdawit na may titulo na "Tipasi."
Sa hilig asin tibay niya maggibo nin rawitdawit natapos niya an "Isang Daang Tula sa Loob ng Isang Daang Araw," kaiba an iba pang mga parasurat na sina Edwin Breva, Jr. asin Jerome Hipolito, kun sain araaldaw sindang naggigibo asin nagsasapubliko nin rawitdawit.
An saiyang thesis, kaiba an iba niya pang mga ka-grupo ay tungkol man sana sa rawitdawit na may titulo nin "Pagbubura," kun sain an pagpupura ay pinapahiling bilang sarong paagi sa pagsurat nin mga rawitdawit. Ang thesis nindang ini ay mahihiling sa librarya kan CBSUA-Calabanga.
This article uses material from the Wikipedia Bikol article John Chris Pineda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.