Manny Pacquiao

	Gana
	Tabla
	Daog

Manny Pacquiao
The Honorable; Manny Pacquiao
	Manny Pacquiao kan 2013
Senador kan Filipinas
	Inkumbent
	Pagtukaw sa pwesto ; Hunyo 30, 2016
Chair of the Philippine Senate ; Public Works Committee
	Inkumbent
	Pagtukaw sa pwesto ; Hulyo 25, 2016
Suminunod ki	Ferdinand Marcos Jr.
Member of the Philippine House of Representatives from the Lone Legislative District of Sarangani
	Termino; Hunyo 30, 2010 – Hunyo 30, 2016
Suminunod ki	Erwin L. Chiongbian
Sinundan ni	Roel D. Pacquiao
Personal na mga detalye
Kamundagan	Emmanuel Dapidran Pacquiao; Desyembre 17, 1978 (edad 45); Kibawe, Bukidnon, Filipinas
Nasyunalidad	Filipino
Partido politikal	PDP-Laban (2012–2014, 2016–presente); People's Champ Movement (2010–present)
Iba pang partido	United Nationalist Alliance (2012–2016); Liberal Party (2007, 2010–2012); Nacionalista Party (2009–2010); Kabalikat ng Malayang Pilipino (2007–2008);
Agom	Jinkee Jamora
Mga aki	5
Dinakulaan	General Santos, Philippines; Kiamba, Sarangani, Philippines; Makati, Philippines;
Alma mater	Notre Dame of Dadiangas University; Development Academy of the Philippines;
Kasibotan	Athlete; Politician
Trabaho	Professional boxer; Businessperson
Midbid bilang	Eight-division boxing world champion
Lagda
Websityo	www.senate.gov.ph

Namundag siya sa Kibawe, Bukidnon kan Desyembre 17, 1978. Midbid syang maray sa bansag na "Pacman" o Manny. Walong-dibisyon na kampyon nin kinaban, siya iyo an pinakaenot na boksyador sa historya nin boksing na guminana nin sampolong titulong pangkinaban, enot na guminana sa walong kategorya nin timbang, , asin pinakaenot na ganahon an lineal na kamponeato sa apat na maniba-ibang kategorya nin timbang. Nangaranan siyang "Paraboksing nin Dekada" sa mga taon na 2000 kan Boxing Writers Association of America (BWAA). Siring man nabansagan siyang "Fighter of the Year" nin tolong beses kan magasin na The Ring, ginana an award na ini kan mga taon 2006, 2008, asin 2009.

Sa ngonyan, si Pacquiao omaw na gayo sa saiyang pambihirang rekord sa boksing, mala ta rinaranggo siyang Numero Uno "libra por libra pinakamahusay na boksingero" nin kinaban kan haros gabos na mga isporting magasin asin mga websayt na pamboksing, kabali na diyan an The Ring, Sports Illustrated, ESPN, NBC Sports, Yahoo!, Sporting Life asin kan About.com

An rekord sa laban ni Pacquiao hanggan ngonyan, taon 2011, bulan nin Nobyembre: 54 Gana (38 kaini KO), 3 Daog, 2 Tabla.

Si Pacquiao nanggana bilang senador kan Filipinas kan eleksyon 2016 asin matukaw sa siring na katongdan sa Senado, ika-17 Kongreso hanggan 2022.

Buhay Personal

Naagom ni Pacquiao si Jinkee Jamora kan Mayo 10, 1999. An saindang pagsasaro nagbunga nin limang aki, Emmanuel Jr. (Jimuel), Michael Stephen, Mary Divine Grace (Princess), Queen Elizabeth (Queenie) asin Israel. An saiyang aki na si Jimuel, sarong amateur na boksyador. An aki niyang babae na si Queenie, namundag sa Estados Unidos. Siya nag'eerok sa General Santos City, South Cotabato, Filipinas. Alagad, bilang kongresista kan solo-solong distrito nin Sarangani, opisyalmente siya nag'eestar sa Kiamba, Sarangani, an namundagan na banwaan kan saiyang agom na si Jinkee.

Kan Desyembre 11, 2019, si Pacquiao naggradwar sa University of Makati na bitbit an bachelor's degree sa political science; medyor sa local government administration paagi sa inapod na Expanded Tertiary Education Equivalency and Accreditation Program (ETEEAP) kan Philippine Councilors League-Legislative Academy (PCCLA) na nagtutugot an siisayman na kwalipikadong Filipino na magkompleto nin collegiate-level education paagi sa informal education system.

Nagdakula bilang sarong Katoliko, si Pacquiao sa ngonyan sarong Protestanteng Evangelical. Nasabi ni Pacquiao na siya minsan nangiturogan kun saen duwang anghel nagpahiling saiya asin nakadangog siyang boses nin Dyos— an pangiturogan na ini iyo an nagkumbinsir saiya na magin udok na paratubod.

Mga laban sa entablado nin Suntokan

vs. Mosley

An laban niya ki Shane Mosley kaining Mayo 7, 2011 nagresulta sa saiyang kapangganahan paagi nin unanimeng desisyon (119-108, 120-108, 120-107).

Si Bob Arum nasambit an sunod na laban ni Pacquiao pwede sa MGM Grand sa Nobyembre 5, 2011 o sa Thomas and Mack Center sa Nobyembre 11, 2011. Si Arum natomoyan si Juan Manuel Marquez bilang iyo an enot na napupusoan niya, o pwede man daa si Timothy Bradley o, si Zab Judah kun siisay sainda an magusto.

vs. Marquez

An laban niya ki Juan Manuel Marquez kaining Nobyembre 12, 2011 dakul nagduda kun talagang guminana siya ta an mga hiro' garo daa mabublay asin kulang sa pwersa alagad an mayoriyang desisyon kan hurado iyo na itao saiya an kapangganahan. Batay sa estadistika, si Pacquiao daa nakapatama nin 176 beses kumpara sa ki Marquez na 138, asin nakapahugpa' nin mararang suntok, 117 sa 100 ni Marquez. Sabi ni Michael Woods kan ESPN, dai nadaya si Marquez ta nagpapahiling ngane sa estadistika kan Compubox na nagpapabor ki Pacquiao..

An hurado sa gilid kan entablado arog kaini an iskor: an saro nagsabi 114-114 tabla, asin an duwa nagkampi ki Pacquiao, 115-113 asin 116-112. An Associated Press nag'iskor tabla, 114-114.

Si Pacquiao iyo ngonyan an solong Representante kan probinsya nin Sarangani; nagsumpa siya sa katongdan na ini kan Hunyo 28, 2010. Nangako siyang saiyang itotolod sa Kongreso an pagpagantad kan isports, mga programa na orog ikakarahay kan agrikultura asin edukasyon saka kan katoninongan asin kahusayan.

vs. Bradley

Kan Pebrero 5, 2012, ipiganunsyo ni Bob Arum na an sunod na makakalaban ni Pacquiao iyo si Timothy Bradley sarong propesyonal na Amerikanong paraboksing na dai pa lamang nadadaog.

Sa laban ki Bradley, si Pacquiao nadaog sa sarong kontrobersyal na barangang desisyon. An mga hurado nag-iskor na 115-113, 113-115 asin 113-115. An aripompon biyo na nag'ngorob'ngorob sa nangyaring desisyon asin dakul sa media'ng nagdadalan man an nagturuyaw. Alagad, si Pacquiao mahuyo an boot na inako an kinaabtan asin si Bradley nag'alok na maglaban giraray sinda. Dakul sa mga kag'ogid kan laban na nagkomento na an nangyaring dai piglaoman sarong korupsyon sa isports. Mala ta an ESPN.com nag'iskor sa laban na 119-109 kampi ki Pacquaio asin an bakong-opisyal na huwes kan HBO si Harold Lederman iyo man an iskor 119-109, a pabor ki Pacquiao. Haros gabos kan media na yaon sa gilid kan entablado siring man an mate, na si Pacquaio an guminana. An makonswelo ta maski ngane an manager ni Bradley na si Cameron Dunkin dai nagtutubod na nanggana an manok niya asin ta nag'iskor siyang 8 hurnada gana ni Pacquiao asin apat sana an sa manok niya.

An estadistika sa CompuBox malinig na nagpapahiling na mas dakul an patamang suntok ni Pacquaio sa laog nin sampolong hurnada. Si Pacquaio nagpahugpa nin 253 na solidong buntol (34 porsyento) sa 751ng atake, manta si Bradley 159 suntok sana sa 839ng atake (13 porsyento). Si Pacquaio sobrang 82 na matagom na suntok an napatama (190-108).

Pakalihis kan apat na aldaw kan laban na idto, an presidente kan WBO na si Francisco "Paco" Valcarcel nagbilog nin komite, an WBO Championship Committee na magrebyu kan laban na Pacquiao asin Bradley paagi ka video kaini. An mga kaapil igdi limang hurado na anas independiente asin may sayod na kakayahan. Pakatapos pagdalan kan video nagpaluwas kan saindang mga iskor kun saen malinaw na gana nanggad si Pacquiao sa laban niya ki Bradley: 117-111, 117-111, 118-110, 116-112 asin 115-113. Alagad an WBO dai na pwedeng baliktaron an enot na resulta ta an ahensya na pwedeng maggibo kaiyan iyo an Nevada State Athletic Commission (NSAC).. An rekomendasyon na sana iyo na magka'igwa nin otro-laban an duwang boksyador.

vs. Marquez

Kan Desyembre 8, 2012 si Juan Manuel Marquez an nakabuntolan niya sa daing titulong bugtian. Makuri an polpogan kan duwa asin pareho maisog, pareho may darang anggot orog na si Marquez ta dai siya nagtutubod na mas marhay saiya si Pacquiao. Sa sabi'tan nindang ini, pinaheling tolos kan duwa na pareho may kakayahan. Mala ta sa ika-3 urnada, napatumba si Pacquaio alagad nakabawi man an huri ta napalakma' man niya si Marquez sa ika-5 urnada. Sabi ngane, pakatapos kan ika-5 urnada, nakaguda' na si Pacquiao nin sarong punto sa gabos na hurado (47-46). Paglaog kan ika-6 na urnada pareho pa an duwa maisog, daing ontok an paburugtian, alagad sa haros ikatolong minuto sa urnadang ini nahagop nin suntok si Pacquiao sa salang na iyo an nagtiklop saiya na garo nabaring batag. Malinaw na nabungaw siya asin an parasaway dai na ngane siya binilangan.

vs. Rios

An laban niya ki Brandon Rios kan Nobyembre 23, 2013 (oras sa EU) nagpatotoo na bako pa siyang laos, mala'git pang maghiro', mahusay pa sa mga pasada na sobrang rikas na inako mananggad ni Rios na dai niya madulagan mga patama saiya na kun baga saen naghaharale'. Maliwanag na sararo' an desisyon kan tolong hurado na si Pacquiao nanggad an gana.

vs.Bradley

Ining nakaaging Abril 12, 2014 (oras sa Estados Unidos) nagkatotoo an otro-laban na Pacquiao asin Bradley. Bilang WBO Welterweight Champion, si Bradley saiyang nasaray duwang beses an titulo pakatapos niya madaog an Rusong si Ruslan Provodnikov sa laban ninda kan Marso 16, 2013 asin madaog niya man si Juan Marquez kan Oktobre 12, 2013 sa sarong laban kun saen napalomoy niya an tuhod ni Marquez asin nakamit an gana sa iskor na 116–112, 115–113 asin 113–115. Alagad si Bradley nadaog ni Pacquiao ta malinaw na an nagdadarang tyempo iyo si Pacquiao asin nagpapara'atras si Bradley ta dai makatagal sa labolabong suntok saiya ni Pacquiao. Mala ta an tolong hurado sayod na itinao ki Pacquiao an kapangganahan sa iskor na 118-110, 116-112, 116-112.

vs. Algeiri

An laban ni Pacquiao ki Chris Algeiri ngonyan na Nobyembre 23, 2014 malinaw na nadaog niya an huri mala ta 6 na beses napalakma niya ini asin sa gabos na hurnada siya an naglalapag igdi manta si Algeiri sige sana an atras. An tolong hurado gabos oroyon sa desisyon na ipiggawagaw sa iskor na minasunod: 119-103 (duwang beses) asin 120-102 na mangyaring masaray niya an titulong Welterweight.

vs. Floyd Mayweather, Jr.

Kan Mayo 1, sa primerong pangyayari sa historya nin Suntokan, an simpleng pagtimbang kan duwang boksyador pighagadan bayad an mga paradalan. An tiket sa pagdalan kaini pigpresyohan $10.00, asin ta 11,500 katawo an nagdaralan nanggad, dawa ngane totoo sinabi na anoman na benta igdi, itatao sa charity. Sa Las Vegas, labilabi an pagkamahal na kan tiket sa sinasabing "Laban nin Siglo", mala ta nagpepresyo na sa pinakahalangkaw $7,500.00 asin pinakabarato $1,500.

Ngonyan na Mayo 2, 2015 (Mayo 3 sa Filipinas), si Pacquiao makikipagbugtian ki Mayweather sa 12-hurnadang buntolan na tinataya mahakot nin $300 milyon sa pitaka, asin an $180 milyon madagos ki Mayweather asin an tada igdi mabulos sa bulsa ni Pacquiao. Ini an pigbansagan "Laban nin Siglo" na iyo na daa an pinakamahal sa historya nin isports na Suntokan..

Sa laban ninda sa 12 hurnada, nagkusog sana si Pacquiao sa pagsuntok sa mga enot na hurnada, orog na sa ika-4, alagad kan mga huring hurnada nagluya an saiyang pag'atake. Totoo, an depensa ni Mayweather iyo an paglikay nanggad na dai mahagop asin atras sanang atras na haros lapagon na ni Pacquiao. Manta palan nakakapalusot nin mga lagartong patama si Mayweather mala ta sa Compubox, nagluwas na mas dakul an suntok ni Mayweather, asin mas dakul pa an sa bilang igdi an mararang buntol kumpara sa bilang kan mga patama ni Pacquiao. Sa desisyon kan tolong hurado, ini an mga puntos na pabor gabos ki Mayweather: 118-110, 116-112, saka 116-112.

Sa presscon na suminunod, ipigbuyagyag ni Pacquiao na may minamate siyang kulog sa toong abaga kaya an toong kamaoo niya haros dai niya ma'ipwersa. Sa parehong presscon, sinabi ni Arum na nakaagid sa dinarang mate ni Bryant an tinitios ni Pacquiao na hinagad kuta ninda nin pamagol o pankupos sa gatok alagad nagsayuma an Nevada Boxing Commission.

Nagkamit nagkakama'gal na yaman ngonyan 2015

Ipigbantolin na si Pacquiao saro sa 25 mga bantogan na celebrity sa kinaban na naghakot nin katakot-takot na yaman kaining taon 2015. $160 milyon an saiyang nasaray bako sanang huli sa laban niya ki Mayweather kundi sa mga endorsement na nasikwit niya sa mga kompanyang arog kan Nike, Foot Locker asin Nestle Butterfinger.

vs. Bradley

An laban ni Pacquiao ki Bradley (Abril 9, 1916; Abril 10 sa oras nin Filipinas) nag'antos 12 hurnada alagad sa hurnada 7 asin 9 napatumba ni Pacquiao si Bradley, mala ta naglukot pati si Bradley sa Hurnada 9 pabaliktad. Maski ngane ipinahiling ni Bradley an pagka-agresibo niya, mas mahusay pa man giraray si Pacquiao sa palukob'lukob. Sa liwat an sunod-sunod na tolong bugting kumbinasyon ni Pacquiao dai madulagan ni Bradley. Sa interbyu niya ki Christine kan Fox TV inako niya na si Pacquiao "mas maliksi, mas mapwersa" logod ngonyan na laban ninda. An tolong hurado, unanimong nag'iskor na 116-110 a pabor ki Pacquiao. Ika-tolong laban na ninda ini ni Bradley kun saen ginana lang ni Bradley si pinaka-enot.

vs. Horn

An laban na ini ni Pacquiao sa edad na 38, na hararom na an inagihan sa burugtian, dai pighuna na madadaog siya ni Jeff Horn na totoo hubin pa, edad pa sanang 29, halangkaw asin halaba an kalamias. Alagad, an tolong hurado nag-iskor nin siring, 117-111, 115-113, 115-113 a pabor ki Horn. An laban pano nin sabay-sabay na pagburuntolan, parating pagpungkaan nin payo kun saen duwang beses nasi'si' an banga ni Paqcuiao asin si Horn mahilig mansiko asin mantringka sa liog ni Pacquiao saka pinupulpog siyang suntok sa payo, bagay na dai renireparo kan repere asin dai kinakaltasan puntos na iyo an tinuyaw ni Pacquiao, na sarabi ngane kan nagmamarasid, 'maati' magkawat si Horn.

Nagin senador

Sa eleksyon nasyonal kan Mayo 9, 2016, si Manny Pacquiao nagkandidato para senador asin nakaluwas.

Huring 36 na laban

Petsa	Kalaban	Kinaluwasan	Pinangyarihan	Titulong pig'aagawan
Hulyo 2 , 2017	Jeff Horn 59-7-2	UD 12-12	Suncorp Stadium, Brisbane, Australia	Naagaw saiya titulong WBO welterweight
Nob. 5 , 2016	Jessie Vargas 59-6-2	UD 12-12	Thomas & Mack Center, Paradise, Nevada	Ginana titulong WBO welterweight
Abril 9, 2016	Timothy Bradley 33-2-2	UD 12-12	MGM Grand Garden Arena, Las Vegas, Nevada	Ginana titulo sa WBO International Welterweight
Mayo 2, 2015	Floyd Mayweather, Jr. 48-0	UD 12-12	MGM Grand Garden Arena, Las Vegas, Nevada	Naagaw saiya titulong WBO Welterweight
Nobyembre 23, 2014	Chris Algieri 20-1	UD 12-12	Venetian Resort and Hotel, Macao, China	Retenido niya an titulong WBO Welterweight
Abril 12, 2014	Timothy Bradley31-1-1	UD 12-12	MGM Grand Garden Arena, Las Vegas, Nevada, Estados Unidos	Nakabalik saiya an titulong WBO Welterweight
Nobyembre 23, 2013	Brandon Rios 31-1-1	UD 12-12	Venetian Resort and Hotel, Macao. China	Daing titulong laban sa welterweight
Desyembre 8, 2012	Juan Manuel Márquez 54-3-2	KO 6-12	MGM Grand Garden Arena, Las Vegas, Nevada, Estados Unidos	Daing titulong laban sa welterweight
Hunyo 9, 2012	Timothy Bradley 28-0	SD 12-12	MGM Grand Garden Arena, Las Vegas, Nevada, Estados Unidos	Nabawe saiya an WBO Welterweight Title
Nobyembre 12, 2011	Juan Manuel Márquez 54-3-2	MD 12-12	MGM Grand Garden Arena, Las Vegas, Estados Unidos	Retenido an titulong WBO Welterweight
Mayo 7, 2011	Shane Mosley 53-3-2	UD 12-12	MGM Grand Garden Arena, Las Vegas, Estados Unidos	Retenido an titulong WBO Welterweight
Nobyembre 13, 2010	Antonio Margarito 52-3-2	TKO 12-12	Cowboys Stadium, Arlington, Estados Unidos	Bakanteng titulo sa WBC Super Welterweight
Marso 13, 2010	Joshua Clottey 51-3-2	UD 12-12	Cowboys Stadium, Arlington, Estados Unidos	Retenido WBO Welterwieght World Title
Nobyembre 14, 2009	Miguel Angel Cotto 50-3-2	TKO 12-12	MGM Grand, Las Vegas, Estados Unidos	titulong WBO Welterweight, asin an Pahang WBC Diamond
Mayo 2, 2009	Ricky Hatton 49-3-2	KO 2-12	MGM Grand Garden Arena, Las Vegas, Estados Unidos	IBO Light Welterweight title asin Ring Magazine Light welterweight title
Desyembre 6, 2008	Oscar de la Hoya 48-3-2	TKO 8-12	Mandalay Bay, Las Vegas, Estados Unidos	Non-title
Hunyo 28, 2008	David Diaz 47-3-2	KO 9-12	Mandalay Bay, Las Vegas, Estados Unidos	WBC World Lightweight
Marso 15, 2008	Juan Manuel Márquez 46-3-2	SD 12-12	Mandalay Bay, Las Vegas, Estados Unidos	WBC asin The Ring World Super Featherweight
Oktobre 6, 2007	Marco Antonio Barrera 45-3-2	UD 12-12	Mandalay Bay, Las Vegas, Estados Unidos	WBC International Super Featherweight
Abril 14, 2007	Jorge Solis 44-3-2	KO 8-12	Alamodome, San Antonio, Estados Unidos	WBC International Super Featherweight
Nobyembre 18, 2006	Erik Morales 43-3-2	KO 3-12	Las Vegas, Estados Unidos	WBC International Super Featherweight
Hulyo 7, 2006	Óscar Larios 42-3-2	UD 12-12	Araneta Coliseum, Lungsod ng Quezon, Pilipinas	WBC International Super Featherweight
Enero 21, 2006	Erik Morales 43-3-2	TKO 10-12	Las Vegas, Estados Unidos	WBC International Super Featherweight
Septyembre 10, 2005	Hector Velazquez 40-3-2	TKO 6-12	Los Angeles, Estados Unidos	Bakanteng WBC International Super Featherweight
Marso 19, 2005	Erik Morales 39-3-2	UD 12-12	MGM Grand, Las Vegas, Estados Unidos	Bakanteng WBC International Super Featherweight asin IBA Super Featherweight
Desyembre 11, 2004	Fahsan Por Thawatchai 39-2-2	TKO 4-12	Fort Bonifacio Global City, Syudad kan Taguig, Pilipinas	Retenido an The Ring's World Featherweight Title
Mayo 8, 2004	Juan Manuel Márquez 38-2-2	TABLA 12-12	Las Vegas, Estados Unidos	WBA asin IBF World Featherweight
Nobyembre 15, 2003	Marco Antonio Barrera 38-2-1	TKO 11-12	Alamodome, San Antonio, Estados Unidos	Ginana an The Ring Featherweight World Title
Agosto 26, 2003	Emmanuel Lucero 37-2-1	KO 3-12	Olympic Audtitorium, Los Angles, Estados Unidos	Retenido an IBF Super Bantamweight World Title
Marso 15, 2003	Serikzhan Yeshmagambetov 36-2-1	TKO 5-10	Rizal Park, Manila, Filipinas	Mayong titulong piglabanan. Laban sa Featherweight
Oktobre 26, 2002	Fahprakorb Rakkiatgym 35-2-1	KO 1-12	Rizal Memorial College Gym, Davao City, Filipinas	Retenido IBF Super Bantamweight World Title
Hunyo 8, 2002	Jorge Eliécer Julio 34-2-1	TKO 2-12	United States Pyramid, Memphis, Memphis	Retenido IBF World Super Bantamweight Title.
Nobyembre 10, 2001	Agapito Sánchez 33-2-1	TABLA 6-12	United States Bill Graham Civic Auditorium, San Francisco, California	Retenido IBF World Super Bantamweight Title. An doktor sa entablado pinondo an laban huli ta nasisi mata ni Pacquiao ta dai tuyong napangko'
Hunyo 23, 2001	Lehlohonolo Ledwaba 33-2	KO 6-12	United States MGM Grand Garden Arena, Las Vegas, Nevada	Ginana an IBF World Super Bantamweight Title
Abril 4, 2001	Wethya Sakmuangklang 32-2	KO 6-12	Kidapawan City, Cotabato, Filipinas	Retenido an WBC International Super Bantamweight Title
Septyembre 17, 1999	Medgoen Singsurat 26-2	KO 3-12	Thailand Pakpanag Metropolitan Stadium, Nakhon Si Thammarat, Tailandya	Nabutsan an linyal na World Flywieght Title. Siya sobra sa timbang pagpirisaran. An WBC World Flywieght Title binawe' saiya

Mga Pasib asin Pagmidbid

Kan Pebrero 18, 2009, si Pacquiao pigduholan kan Honorary Degree of Doctor of Humanities (Honoris Causa) kan Southwestern University (SWU) sa Waterfront Cebu City Hotel & Casino sa Lahug, Cebu City sa pagmidbid kan saiyang naginibohan sa lantad nin Suntokan asin mga gibong-herak.

Internasyonal:

2000–2009 Boxing Writers Association of America Fighter of the Decade
2000–2009 HBO Fighter of the Decade
2001–2010 World Boxing Council Boxer of the Decade
2001–2010 World Boxing Organization Best Pound-for-Pound Fighter of the Decade
2006, 2008 and 2009 Boxing Writers Association of America's Fighter of the Year
2006, 2008 and 2009 ESPN Fighter of the Year
2006, 2008 and 2009 The Ring Fighter of the Year
2007 World Boxing Hall of Fame Fighter of the year
2008 Sports Illustrated Boxer of the Year
2008 Yahoo! Sports Fighter of the Year
2008 and 2009 ESPN Star's Champion of Champions
2008 and 2009 World Boxing Council Boxer of the Year
2008, 2009, 2010 and 2011 The Ring No.1 Pound-for-Pound (year-end)
2009 ESPN Knockout of the Year (in Round 2 against Ricky Hatton)
2009 and 2011 ESPY Awards Best Fighter
2009 and 2015 Forbes magazine World's Highest-Paid Athletes (ranked 6th and 2nd)
2009 Sports Illustrated Fighter of the Year
2009 The Ring Knockout of the Year (in Round 2 against Ricky Hatton)
2009 TIME 100 Most Influential People (Heroes and Icons Category)
2009, 2010, 2012 and 2015 Forbes magazine Celebrity 100 (The World's Most Powerful Celebrity) (ranked 57th, 55th, 33rd and 2nd)
2010 World Boxing Organization Fighter of the Year
2010 Yahoo! Sports Boxing's Most Influential (ranked 25th)
2010, 2011, 2012 and 2015 The Ring Magazine Event of the year
2011 Las Vegas Walk of Stars Awardee
2011 Guinness World Records Most boxing world titles in different weight divisions (8 times; since November 13, 2010)
2012 Laredo Asian Association Special Recognition Award
2013 On The Ropes Boxing Awards Comeback Fighter of the Year
2013 The Ring magazine Comeback of the Year
2014, 2015 and 2016 Reader's Digest Asia Pacific Most Trusted Sports Personality
2014 On The Ropes Boxing Awards Fighter of the Year
2014 PublicAffairsAsia HP Gold Standard Award for Communicator of the Year
2015 Asia Society's Asia Game Changer of the Year
2016 Forbes magazine Boxing's MVPs (ranked 4th)
2019 Forbes magazine Highest Paid Athletes of the Decade (ranked 8th)
2019 World Boxing News Fighter of the year

Nasyonal:

2000–2009 Philippine Sportswriters Association Athlete of the Decade
2000–2009 Gabriel "Flash" Elorde Memorial Boxer of the Decade
2001, 2002, 2003, 2004, 2005, 2006 and 2007 Gabriel "Flash" Elorde Memorial Boxer of the Year
2002, 2003, 2004, 2006 and 2008 PSA Sportsman of the Year
2003 Presidential Medal of Merit
2003 and 2010 Congressional Medal of Achievement / Distinction / Honor
2006 Order of Lakandula with the rank of "Champion for Life" (Kampeon Habambuhay)
2006 Eastwood City Walk of Fame Awardee
2006 36th GMMSF Box-Office Entertainment Awards People's Hero Award
2008 Gabriel "Flash" Elorde Memorial Hall of Fame Awardee
2008 Philippine Legion of Honor with the rank of "Officer" (Pinuno)
2008 University Athletic Association of the Philippines (UAAP) Honorary Award for Sports Excellence
2009 Gabriel "Flash" Elorde Memorial Best Pound For Pound Boxer Award
2009 25th Philippine Movie Press Club Star Awards for Movies Newsmaker of the Year
2009 Order of Sikatuna with the rank of Datu (Grand Cross with Gold Distinction)
2010–2019 Philippine Sportswriters Association Athlete of the Decade
2011 Gabriel "Flash" Elorde Memorial "Quintessential Athlete" Award
2012 Gabriel "Flash" Elorde Memorial "Man of Others" Award
2013, 2016 and 2018 Gabriel "Flash" Elorde Memorial Award of Distinction
2015 MEGA Man Magazine Man of the Year
2017 Bawas Bisyo Youth for Sin Tax Movement Anti-smoking champion
2018 League of Municipalities of the Philippines – Cebu "Cebuano Heritage Award for Manny Pacquiao"
2019 50th GMMSF Box-Office Entertainment Awards Global Achievement by a Filipino Award

Mga panluwas na takod

Toltolan

Sarong saringsing an artikulong ini. Makakatabang ka sa Bikol Wikipedia sa pagparambong kaining pahina.

This article uses material from the Wikipedia Bikol article Manny Pacquiao, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.