Manny Pacquiao

Namo julukannyo iolah "PacMan", jo inyo dianggap sabagai salah satu patinju profesional tabaiak sapanjang maso. Inyo tapiliah sabagai Senator Filipina pado taun 2016, jo manjalani maso jabatan salamo 6 taun.

Manny Pacquiao

Namo dalam bahaso usali	(tl) Manny Pacquiao
Biografi
Lahia	(en-gb) Emmanuel Pacquiao y Dapidran 17 Desember 1978 (45 tahun (id) ) Kibawe
Member of the Senate of the Philippines (en)   30 Juni 2016 –   Member of the House of Representatives of the Philippines (en)   30 Juni 2013 – 30 Juni 2016 Daerah pemilihan (id) : Sarangani's at-large congressional district (en)   Member of the House of Representatives of the Philippines (en)   30 Juni 2010 – 30 Juni 2016
Data pribadi
Agamo	Kristen
Almamater	Notre Dame of Dadiangas University (en)
Warna rambut (id)	Hitam (id)
Kagiatan
Karajo	Politikus, petinju (id) , pelatih bola basket (id) , pemain basket (id) , Palakon jo Panyanyi
Periode aktif	22 Januari 1995  –
Partai politik	PDP-Laban (id) (2012–) Aliansi Nasionalis Serikat (id) (2012–2016) Partai Nacionalista (id) (2009–2010) Gerakan Juara Rakyat (id) (2009–) Kabalikat ng Malayang Pilipino (id) (2007–2008) Partai Liberal (id) (–2007)
Cabang militer (id)	Philippine Army Reserve Command (en)
Label rekaman (id)	Star Music (id)
Wakil nagara	Pilipina
Ulah rago	Tinju (–29 September 2021) Bola basket (–2017)
Sports discipline competed in (en)	light middleweight (en) super featherweight (en) Kelas bulu (id) super bantamweight (en) lightweight (en) kelas welter (id) light welterweight (en) Kelas terbang (id)
Posisi dalam tim	Point guard (id)
Kaluarga
Pasangan hiduik	Jinkee Pacquiao (en)
Anak	Queen Elizabeth Pacquiao (en)
Sanak saibu/sabapak	Bobby Pacquiao (en) jo Rogelio Pacquiao (en)
Panghargaan (2021)  Asia's Most Influential Philippines (en) (2013)  The Ring magazine Comeback of the Year (en)  WBO World Welterweight Champion (en)  WBO World Welterweight Champion (en)  WBO World Welterweight Champion (en)  The Ring magazine Fighter of the Year (en)

Manny Pacquiao adolah satu-satunyo juaro dunia salapan divisi dalam sijarah tinju, jo alah mamanangan duo baleh gala utamo dunia. Inyo adolah patinju partamo nan mamanangan kajuaroan di limo kaleh nan balainan, patinju partamo nan mamanangan gala dunia utamo dalam ampek dari salapan "divisi glamor": kaleh tabang, kaleh bulu, kaleh ringan, jo kaleh welter, sarato satu-satunyo patinju nan mamagang gala juaro dunia sapanjang ampek dekade (1990-an, 2000-an, 2010-an, jo 2020-an).

Pado 2015, pataruangan Pacquiao alah maasiakan $ 1,2 miliar pandapatan dari 25 pataruangan bayia-per-tayang (pay-per-view). Manuruik Forbes, inyo adolah atlet nan mandapek bayaran tatinggi kaduo di dunia pado taun 2015.

Pado Juli 2019, Pacquiao manjadi juaro dunia kaleh welter tatuo dalam sijarah pado umua 40, jo patinju patamo dalam sijarah nan baakui sabagai juaro kaleh welter ampek kali satalah mangalahan Keith Thurman sarato mamanangan gala kaleh welter WBA (Super).

Pacquiao lahia di Kibawe, Bukidnon, jo gadang di General Santos, Filipina. Inyo adolah anak dari Rosalio Pacquiao jo Dionisia Dapidran-Pacquiao. Apak jo amaknyo bacarai kutiko inyo kaleh anam. Inyo anak kaampek dari anam basudaro, nan salah satunyo Alberto "Bobby" Pacquiao adolah surang politikus jo mantan patinju profesional pulo.

Pacquiao manyalasaian pandidiakan dasanyo di SD Saavedra Saway di Kota General Santos, tatapi sudah tu inyo putuih sikola dek alasan kamiskinan nan parah. Pado umua 12 taun, Pacquiao manganal tinju malalui mamaknyo, Sardo Mejia. Pacquiao mangato dalam otobiografinyo bahaso manyaksian kakalahan Mike Tyson dari James "Buster" Douglas pado taun 1990 basamao Mamak Sardo adolah pangalaman nan "mangubah iduik ambo salamonyo." Minaik awanyo dalam ulahrago pataruangan tainspirasi juo dek ahli bela diri Bruce Lee jo patinju Muhammad Ali.

Pado taun 1990, Mejia muloi malatiah kamanakannyo di gym darurat di rumahnyo. Satalah 6 bulan balatiah, Pacquiao muloi batinju di lapangan umum di General Santos, sudah tu inyo batandiang dari kota ka kota untuak malawan patinju lain nan labiah tinggi paringkeknyo. Pado umua 15 taun, inyo lai baanggap sabagai patinju junior tarancak di Filipina selatan. Pado umua 15 taun, inyo pindah ka Manila. Pado Januari 1995, pado umua 16 taun inyo mamuloi debut tinju profesionalnyo di kaleh tabang junior.

Pado bulan Pebruari 2007, Pacquiao maambiak ujian jo luluih kasetaraan sikola manangah ateh, jo mandapek ijazah sikola manangah ateh dari Departemen Pandidiakan satampek.

Pacquiao manyatoan tantang taun-taun awanyo batinju, "Banyak di antaro Sanak nan tau ambo sabagai patinju legendaris, ambo lai gadang ati dek itu. Namun, pajalanannyo indak salalu mudah. ​​Kutiko ambo masih mudo, ambo manjadi surang pataruang karano ambo aruih batahan iduik. Ambo indak punyo apo-apo. Ambo indak ado siapo-siapo nan dapek diandalkan salain diri ambo surang. Ambo manyadari bahaso tinju adolah sasuatu nan dapek ambo kuasai, jo ambo balatiah kareh sainggo ambo dapek manjago diri jo kaluargo ambo supayo tatap iduik."

Pado 4 Desember 1998, pado umua 19 taun, inyo marabuik gala gadang patamonyo, yaitu gala kaleh tabang Dewan Tinju Dunia (WBC).

 

Sapanjang karirnyo nan maraiah banyak pangaragoan, Pacquiao alah dapek mangalahan 22 juaro dunia, yaitu Chatchai Sasakul, Lehlohonolo Ledwaba, Jorge Eliécer Julio, Marco Antonio Barrera (twice), Érik Morales (duo kali), Óscar Larios, Jorge Solís, Juan Manuel Márquez (duo kali), David Díaz, Oscar De La Hoya, Ricky Hatton, Miguel Cotto, Joshua Clottey, Antonio Margarito, Shane Mosley, Brandon Ríos, Timothy Bradley (duo kali), Chris Algieri, Jessie Vargas, Lucas Matthysse, Adrien Broner, jo Keith Thurman.

Pacquiao basabuik sabagai "Pataruang Dekade Iko" untuak taun 2000-an dek Asosiasi Panulih Tinju Amerika (BWAA), Dewan Tinju Dunia (WBC), jo Organisasi Tinju Dunia (WBO). Pado taun 2006, 2008, jo 2009, inyo baagiah gala dek majalah Ring, ESPN, jo BWAA sabagai "Pataruang Taun Iko", jo pado taun 2009 jo 2011 inyo mamanangan pulo "Pangaragoan ESPY Pataruang Tabaiak". BoxRec manampekannyo sabagai pataruang Asia taebaik sapanjang maso. Pado taun 2016, Pacquiao barado di paringkek ka-2 dalam daftar paringkek ESPN dari patinju pound-for-pound (indak mamandang barek) tarateh salamo 25 taun tarakia, sarato paringkek No. 5 dalam paringkek BoxRec untuak patinju pound-for-pound tagadang sapanjang maso.

Pado bulan Oktober 2018, Pacquiao manandotangani kontrak jo Premier Boxing Champions (PBC), siaran promosi tinju milik Al Haymon, sarato kini ko mamacik gala kaleh welter WBA (Super) lai sajak Juli 2019.

Pado tangga 18 Pebruari 2009, Pacquiao mandapek gala Doktor Humaniora (Honoris Causa) dari Southwestern University (SWU) di Waterfront Cebu City Hotel & Casino di Lahug, Kota Cebu, sabagai pangakuan ateh prestasi tinju jo karajo kamanusiaannyo.