Es Rechnungswesn (dt.
Rechnungswesen) is es Messn, Vaoawadn und Kommunizian vo finaunziölla Information vo Wiatschoftsbetriebn.
De Finaunzrechnung sogt da, wiavü Göd dassd hosd. Es gengan olle Ei- und Auszohlungan, Bstände aun Zohlungsmittln und Finaunziarungsmeglikeitn ei. Da Nochtäu is, dassd de Zukunft ned vuraussogn kaunst, drum hosd a gwisse Unsichahoat drin. De Eizohlungan minus de Auszohlungan eage'm den Cashflow. Mia untascheidn zwischn Cashflow-Statement und Finaunzplan.
A jeds Untanehman muass ollawäu in da Log sei, dass olle notwendign Zohlungan leistn kau. Drum muass' olle Ei- und Auszohlungan im Vuahinein planan, des san olle Zua- und Ohgäng vo Bargöd sowia olle Eilogn und Ohhebungan vom Konto. Es wean olle laufendn und eimolign Eizohlungan den laufendn und eimolign Auszohlungan gegniwagstööt. So kriagst entweda an Finaunzmittliwaschuss oda a Finaunzmittluntadeckung. Aum End vo da Planungsperiodn wean de Sui-Weat' mit den Ist-Weatn vaglichn.
Waun a Finaunzmittliwaschuss ausse kumman is, kennan de iwaflüssign Gööda fia Auschoffungan (z. B. Weatpapiere, Gschäftsausstattung) oda fia de Rückzohlung vo Kreditn vawendt wean. Bei ana Finaunzmittluntadeckung hosd zwoa Meglichkeitn. Du kaunst entweda de Eizohlungan erhähn (laufende Eizohlungan eahähn, z. B. Logaohvakaf; Aunlogvamögn vakafn, desd nimma brauchst; an Kredit aufnehman oda Eignmittl duach Privoteilogn oda Gsööschofta aufbringan) oda du kaunst de Auszohlungan senkn (laufende Auszohlungan eispoan, Investionan und Kreditrückzohlungan aufschiam, Privotentnauhman und Gwinnausschüttung varingan).
„Es ist im Handel nicht möglich, Regeln und Lehren Punkt für Punkt vollständig anzugeben, weil mehr Punkte erforderlich sind, um einen Kaufmann zu bilden, als einen Doktor des Rechts“ – Wolfgang Hoffmann.
De Buachfiahrung sogt uns, obsd in an Joah an Gwinn oda Valust gmocht hosd, und wia reich dass es Unternehmen is. Im Untaschied zua Finaunzrechnung geht ned nua es Göd, sondan aa es Aunlogvamegn ei. Mia untascheidn zwischn laufenda Buachfiahrung und dem Joaresohschluss (Bilaunz, GuV-Rechnung). De Erlös' minus de Aufwänd' eage'm ihn Gewinn.
De Bilaunz is de Gegniwastöllung vo Vamegn und Kapitoi. Im Sui hosd des Vamegn oda de Aktiva stehn, im Haum des Kapitoi oda de Passiva. Ma untascheidt zwischn Aunlog- (laungfristig) und Umlaufvamegn (kuazfristig zua Vafügung), sowia zwischn Eign- und Fremdkapitoi.
Auf da Suiseitn siechst, wos mit de Mittl daun haum (Mittlvawendug), auf da Haumseitn siechst, wo de Mittl heakumman san (Mittlheakunft).
Beispü:
Sui (Aktiva)
BILAUNZSUMMAN
Haum (Passiva)
BILAUNZSUMMAN
Jede oanzelne Position muass beweat' wean, des haßt, des Vamegn muass in Göd auge'm wean. Es gibt de fuigendn Beweatungsprinzipien fia's Vamegn:
Beweatungsprinzip fia's Fremdkapitoi:
De GuV-Rechnung (Gewinn- und Valust-Rechnung) stööt de Ealös' den Aufwändn gegniwa. Erlös' ausm Oitogsgschäft eage'm ihn Betriebseafuig, Erlös' aus de Gödgschäft' ihn Finaunzeafuig. De beidn zaumgrechnat eage'ms EGT, des is des Eagebnis vo da gwehnlichn Gschäftstätigkeit. Waunst vom EGT de Steiaaufwänd' ohziagst, nocha kriagst ihn Joaresiwaschuss. Noch da Vuanauhm vo Rücklognbuchungan kummt da Gewinn (oda Valust) ausse.
Beispü:
De Kostnrechnung sogt uns, wiavü de Leistungseastöllung kost'. Se hüft an Untanehman bei da Preisentscheidung, Sortimentsentscheidung, Vafoahrnsentscheidung, Kostnplanung und –kontruin.
Mia untascheidn zwischn:
Iwafiahrung vo Zoihn aus da Buachfiahrung in de Kostnrechnung:
De Ausgaungsweat' san de Aufwänd' aus da Buachfiahrung. Duach de Ohgrenzung im BÜB (Betriebsübaleitungsbogn) kriagst de Kostn. Diese Kostn (Personoi-, Soch-, Kapitoi- und Fremdleistungskostn) kennan den fuigendn Kostnoartn zuatäut wean:
Beispü:
De Kostnfunktion laut':
So kaunst da ausrechnan, wiast dein Preis ausetzn muasst:
De Kostnstöönrechnung täut des Untanehmen in Kostnstöön ei, um de Gemeinkostn iwa de Kostnstöön vatäut mit Zuaschlogsätzn auf de Oanzlkostn zan dazuarechnan, z. B. Materiäubereich, Fertigungsbereich, F&E, Vatrieb, Oigmoana Bereich.
Waunst de Kostn ermittelt hosd, miassns auf de Kostnträga auftäut wean, dassd waßt, wiavü dass di oa Stickl kost. Mir unterscheidn zwischn de fuigendn Koikulationsvafoahn; wöchas dassd wööst, hängt oh, wia dass dei Untanehman organisiat is.
Mit da Grenzkostnrechnung kaunst da ausrechnan, wiavü zuasätzliche Kostn dass da duach an Auftrag entstehngan.
Waunst wissen wüsd, wia vü Stickl dass ohgsetzt wean miassn, dassd a positivs Betriebseagebnis host, kaunst da ihn Break-even-Point und ihn Cashflow-Point ausrechnan. Da Break-even-Point gibt au, bei wöchana Ohsotzmengan dass des Betriebseagebnis Nui is. Es wiad de Ealösfunktion mit da Kostnfunktion gleichgsetzt: Preis · Menge = Variable Kostn · Menge + Fixkostn, und noch da Menge aufglest. Da Cashflow-Point gibt au, bei wöchana Ohsatzmengen da Cashflow Nui is: Preis · Menge = Variable Kostn · Menge + zohlungswiaksame Fixkostn, und daun wieda noch da Menge aufglest.
This article uses material from the Wikipedia Boarisch article Grundlogn vom Rechnungswesn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.