Ҙур Виктория Сүле
Ҙур Виктория сүле (ингл. Great Victoria Desert) — Австралиялағы сүл.
Илдең Көнбайыш Австралия һәм Көньяҡ Австралия штаттары биләмәләрендә урынлашҡан.
Дөйөм мәғлүмәттәр
Майҙаны 424 400 км². Көнсығыштан көнбайышҡа табан 700-ән ашыу километрға һуҙылған. Сүлдән төньяҡҡа табан Гибсон сүле, ә көньяҡҡа табан Налларбор тигеҙлеге урынлашҡан. Ҡоро климат шарттары арҡаһында сүлдә бер ниндәйҙә ауыл хужалығы эшмәкәрлеге алып барылмай.
Көнбайыш Австралия штатында һаҡланыусы территория булып тора. Сүлдең Көньяҡ Австралия штаты биләмәләрендә илдең 12 биосфера ҡурсаулыҡтарының береһе — Мамунгари һаҡлау зонаһы (ингл. Mamungari Conservation Park) ойошторолған.
Яуым-төшөмдөң уртаса йыллыҡ миҡдары 200—250 мм тәшкил итә. Йыш ҡына (йылына 15—20 тапҡыр) күк күкрәүҙәре күҙәтелә. Йәйен көндөҙгө температура 32—40 °C, ә ҡышын 18—23 °C тәшкил итә.
Ҙур Виктория сүлендә австралия аборигендарының бер нисә төркөмдәре, шул иҫәптән когара һәм мирнинг ҡәбиләләре йәшәй.
Виктория королеваһы хөрмәтенә исеменде британ сәйәхәтсеһе Эрнест Джайлс бирә, ул 1875 йылда европалыларҙан тәүге булып сүл аша үтә.
Һылтанмалар
- [ Большая пустыня Виктория] — Ҙур совет энциклопедияһында мәҡәлә
- Про Большую пустыню Викторию в сети(недоступная ссылка)
 | Был Австралия географияһы буйынса тамамланмаған мәҡәлә. Һеҙ мәҡәләне төҙәтеп һәм тулыландырып проектҡа ярҙам итә алаһығыҙ. |
This article uses material from the Wikipedia Башҡорт article Ҙур Виктория сүле, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.