Чанышева Фәниә Ғәбделғафар Ҡыҙы
Чанышева Фәниә Ғәбделғафар ҡыҙы (1 сентябрь 1926 йыл — 14 апрель 2018 йыл) — уҡытыусы, журналист һәм шағир, йыр текстары авторы.
1980 йылдан СССР Яҙыусылар союзы ағзаһы. Башҡортостан китап нәшриәтенең элекке мөхәррире һәм «Башҡортостан уҡытыусыһы» журналының элекке хеҙмәткәре. Ғилемдар Рамазанов исемендәге премия лауреаты (2006).
| Фәниә Чанышева | |
| Тыуған көнө: | 1 сентябрь 1926 (97 йәш) |
|---|---|
| Тыуған урыны: | Бүздәк районы Күҙәй ауылы |
| Гражданлығы: | |
| Йүнәлеше: | шағир |
| Жанр: | шиғриәт |
| Әҫәрҙәре яҙылған тел: | |
Биографияһы
Фәниә Ғәбделғафар ҡыҙы Чанышева 1926 йылдың 1 сентябрендә Бүздәк районы Күҙәй ауылында тыуған. Ауылдарында урта мәктәп тамамлай. Артабан К. А. Тимирязев исемендәге Башҡорт дәүләт педагогия институтына (бөгөн Башҡорт дәүләт университеты) уҡырға керә.
1949 йылда Ҡыйғы районы Абзай мәктәбендә башҡорт теле һәм әҙәбиәтен уҡыта.
Институтта бергә уҡыған һабаҡташы — яугир-шағир Ғилемдар Рамазанов менән ғаилә ҡороп, Өфөгә ҡайтҡас, Башҡортостан «Китап» нәшриәтенең дәреслектәр бүлегендә мөхәррир, «Башҡортостан уҡытыусыһы» журналында әҙәби хеҙмәткәр вазифаларын башҡара.
Ғаиләһендә өлгөлө әсәй, уңған хужабикә булараҡ, тормош иптәше менән бына тигән ике ҡыҙ, бер ул үҫтерәләр. Ҡыҙҙары Гөлшат — журналист, Гөлназ — ғалим, педагогия университетында уҡыта, улдары Илдар — инженер-технолог.
Фәниә Ғәбделғафар ҡыҙы — ун китап авторы (арала шиғыр, проза әҫәрҙәре йыйынтыҡтары ла бар). «Иҫтә, һаман да иҫтә», «Боҙ һәм ялҡын», «Һаумы, яҡты көн», «Мөхәббәт менән осрашыу», «Һағышлы һуҡмаҡтар», «Ғүмерҙең яҡты миҙгелдәре» кеүек был рухи хазиналарҙы төрлө йәштәге әҙәбиәт һөйөүселәр бик яратып ҡабул итте.
Ижадсы һәм уның китаптары тураһында
- Хәсәнова-Туҡаева Н. «Шунда ҡалған минең эҙҙәрем...» «Башҡортостан» гәзите, 2015, 15 август
Иҫкәрмәләр
Сығанаҡтар
- Ғәйнуллин М. Ф., Хөсәйенов Ғ. Б. Совет Башҡортостаны яҙыусылары. Биобиблиографик белешмә. Тулыландырылған, төҙәтелгән икенсе баҫма. — Өфө: Башҡортостан китап нәшриәте, 1988. — 400 бит.
- Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)
Һылтанмалар
- Зөбәржәт Миңлебаева. «Ерҙә йәшеллек әле» // Йәншишмә : гәзит. — 07.09.2011.
- Рифмир Гәрәев. Китаптарға арналған ғүмер // Йәшлек : гәзит. — 09.10.2012.
This article uses material from the Wikipedia Башҡорт article Чанышева Фәниә Ғәбделғафар ҡыҙы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.