Рания Әл-Абдулла

 

Әл-Күвәйт (Күвейт) ҡалаһында, сығышы менән Тулҡарм ҡалаһының (Иордан йылғаһының көнбайыш яры, 1948—1967 йылдарҙа Иордания территорияһы) урта буржуазияға ҡараған фәләстиндәре ғаиләһендә тыуған. Рания, педиатр ҡыҙы, мәктәптә һәм университетта уңышлы уҡый. Сит ил уҡыу йорттарында белем алыуын дауам итә: Кувейтта New English School мәктәбендә уҡый, һуңынан Мысыр башҡалаһы Ҡаһирәлә Америка университетында (American University in Cairo) эшлекле етәкселек итеү буйынса диплом ала.

Туҡһанынсы йылдар башында, Кувейтты Ираҡ баҫҡынсыларынан азат иткәндән һуң фәләстиндәрҙе илбаҫарҙар менән хеҙмәттәшлек итеүҙә ғәйепләгәс, Ранияның ғаиләһе Күвейттан Иорданияға ҡасырға мәжбүр була

Иорданияның Apple вәкиллегендә етәксе вазифаға тәғәйенләүҙән баш тартҡандан һуң, Рания Амманда король Абдалланың апаһы һәм кейәүе ҡарамағындағы Citibank вәкиллегенә күсә, унда 1993 йылдың яҙында принц менән таныша. 1993 йылдың 10 июнендә пар туй үткәрә. Рания, король Хөсәйендең вафат булыуына бәйле өс айлыҡ рәсми матәмдән һуң, королева титулын ала. Атаһының икенсе ҡатыны, принцесса Мунаның улы Абдулла тәхет вариҫы тип иғлан ителә.

 

Үҙе 1995 йылда ойошторған, хөкүмәткә ҡарамаған ойошма — Иордания фонды башлығы булараҡ, Королева ҡатын-ҡыҙҙарға илдең иҡтисади тормошонда ҡатнашырға һәм яңы компаниялар асырға ярҙам итә.

Рания ҡатын-ҡыҙҙарҙың хоҡуҡтарын яҡлап сығыш яһай, балалар менән ҡаты мөғәмәлә итеүгә ҡаршы көрәш буйынса масштаблы кампанияның инициаторы була, ошондай мөғәмәлә ҡорбандары өсөн тәүге үҙәк ойоштора һәм дәүләт органдарының ғаиләләрҙе яҡлау менән шөғөлләнгән урындағы ойошмалар менән үҙ-ара эш итеүен яҡшыртыуға булышлыҡ итә. Рания халыҡ-ара сәйәсәттә әүҙем ҡатнаша, фәләстин йәмғиәтен яҡлай.

Королева — Эксетер университетының Почетлы хоҡуҡ докторы (Бөйөк британия, 2001) — «хәҙерге донъяла ҡатын-ҡыҙҙың ролен күтәреү эшендәге ҡаҙаныштары һәм евро-ғәрәп мөнәсәбәттәрен үҫтереүгә индергән өлөшө өсөн». Йыл һайын үткәрелгән «Сүл кубогы» халыҡ-ара йүгерек-марафонсылар ярыштарына (Wadi Rom сүллегендә үткәрелә, Иордания), хайуандарҙы һаҡлау өлкәһендәге бер нисә проектҡа патронатлыҡ итә.

Рания йыш ҡына үҙенең гардеробында традицион ғәрәп костюмын һәм көнбайыш стилендәге кейемде берләштерә. Королеваның иң яратҡан дизайнерҙары — Эли Сааб һәм Армани. 2003 йылда Британия журналы «Hello!» һорау алыуы һөҙөмтәләре буйынса «Донъя элегантлығы королеваһы-2003» тип атала.

Балалары

1. Принц Хөсәйен (28 июнь 1994) — тәхет вариҫы
2. Принцесса Иман (1996 йылдың 27 сентябре)
3. Принцесса Сәлмә (26 сентябрь 2000) — ил тарихында беренсе ҡатын-ҡыҙ-осоусы.
4. Принц Хашим (30 ғинуар 2005)

- Саф алтындан эшләнгән, гәүһәр һәм топаздар менән биҙәлгән туфли кейергә ярата (парҙың ауырлығы 400 грамм самаһы)

- Королева Рания илдең ҡораллы көстәре полковнигы маҡтаулы исеменә лайыҡ була. Бер үк ваҡытта уның ире, король Абдалла, Ранияны хәрбиҙәргә һәм уларҙың ғаиләләренә ярҙам итеү йәмғиәте башлығы итеп тәғәйенләй.

- 2008 йылдың 30 декабрендә Королева Рания король Хөсәйен исемендәге дауаханала донорлыҡ пунктына бара һәм «Ҡойолған ҡурғаш» Израиль операцияһы ваҡытында зыян күргән Газ секторының яралы халҡы өсөн ҡан тапшыра.

- 2013 йылдың ноябрендә королева Рания edX мәғариф ойошмаһы менән Edraak — ғәрәп телендә [1] киң онлайн-курстарҙың беренсе платформаһын булдырыу тураһында килешеү төҙөй.

• Официальный сайт
• Рания Аль-Абдулла в «Твиттере»
• Видеоканал Рания Аль-Абдулла на YouTube
• Десять самых красивых королев в мире
• Фотосессия королевы
• Король Абдалла и королева Рания отметили большой юбилей
• Ten Questions for Queen Rania on Time.com 2010 йыл 3 апрель архивланған.
• Wolf Blitzer interviews Jordan’s Queen Rania, CNN, October 26, 2007