اسکولاستیک (یونانجا schole – علمی صؤحبت، مکتب) – دینی فلسفه تیپی.
حرفی معنادا " مکتب فلسفهسی " دئمکدیر. اورتا عصرلر دؤورو اوچون کاراکتریکدیر. اسکولاستیکلر مسحیت دینی اعتیقادینی راسیوناللیقلا اساسلاندیرماغا و سیستملشدیرمک نیتینده ایدیلر. بونون اوچون ایسه اونلار آنتیک فیلوسوفلارین ایدئیالاریندان ایستیفاده ائدیردیلر. تئولوژی اوستونلوک وئرمک، احکامچی ایلکین شرطلری راسیونالیست متود ایله بیرلشدیرمک و فورمال منطیق پروبلملرینه ماراق اسکولاستیکین سجیهوی جهتلریدیر. اورتا عصرلرده ان چوخ غربی اوروپادا اینکیشاف ائتمیشدیر. اسکولاستیکین کؤکلری سون آنتیک فلسفهسینه، خوصوصیله پروکلسین گؤروشلرینه گئدیب چیخیر.
اسکولاستیسم اوچ دؤوره بؤلونور.
ائرکن اسکولاستیک (9-13 عصرلر) یئنی افلاطونچولق تاثیری اولموشدور (آنسِلم کانتِربِری، ابن سینا، ابن رشد، توماس آکویناس)
کلاسیک اسکولاستیک دؤورونده (14-15 عصرلر) مسیحی ارسطوچو (بؤیوک آلبرت)، اوستون ایدی. 15-16 عصرلرده کاتولیک (یئنی اسکولاستیکلر، ایسپان اییئزویتیف. سوارئس) و پروتستانت (ف. مئلانختون) ایلاهیاتچیلار آراسینداکی موباحیثهلر اصلینده کاتولیک کیلیساسینین رفورماسیونا قارشی موباریزهسینی عکس ائتدیریردی.
موعاصیر اسکولاستیک – یئنی دؤورون فلسفی تعلیملرینین (دکارت، هابز، لاک، کانت، هگل و ب.) تاثیری ایله اسکولاستیکین اولکی مؤوقعی سارسیلدی. 19 عصردن موختلیف کاتولیک (تومیزم، افلاطون-آوقوستین مکتبی و ب.) و پروتستانت مکتبلرینی بیرلشدیرن اسکولاستیکه ماراق آرتدی.
This article uses material from the Wikipedia تۆرکجه article اسکولاستیک, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.