Cənubi Georgiya Və Cənubi Sendviç Adaları: Cənubi Atlantikada adalar qrupu

Cənubi Georgiya və Cənubi Sendviç adaları
Cənubi Georgiya və Cənubi Sendviç adaları
	ing. South Georgia and the South Sandwich Islands
Bayraq[d]	Gerb
	«lat. Leo Terram Propriam Protegat» «Qoy şir öz torpağını qorusun»
Rəsmi dilləri	ingilis dili;
Paytaxt	Qryotviken
	II Yelizaveta; Nigel Heyvud
Sahəsi
• Ümumi	4066 km²
Əhalisi
• Əhali	30 nəfər
Valyuta	funt sterlinq
İnternet domeni	.gs
ISO kodu	GS
Telefon kodu	+500
Saat qurşaqları	UTC−02:00;
Nəqliyyatın yönü	sol[d]
	Vikianbarda əlaqəli mediafayllar

Cənubi Georgiya 1775-ci ildən, Cənubi Sendviç adaları isə 1908-ci ildən Böyük Britaniyaya aiddir və Böyük Britaniyanın dəniz əraziləri statusuna malikdir. Aidiyyat məsələsi Argentina tərəfindən müvafiq sürətdə 1927 və 1938-ci illərdə mübahisə edilmişdir. .gs domenindən istifadə edilir.

Coğrafiyası

Ərazisi ümumən 4 410 kv.km-dir, daimi sakinlərinin sayı 20 nəfərdir. Əraziyə ətraf adacıqlarla birlikdə Cənubi Georgiya adası, Cənubi Sendviç adaları arxipelaqı, Şaq qayaları və ayrıca yerləşən Qara qaya (Blek-Rok) daxildir.

Cənubi Georgiya

Əsas məqalə: Cənubi Georgiya

Cənubi Georgiya — Atlantik okeanda yerləşən arxipelaq. Bir iri və çoxlu sayda kiçik adalardan ibarətdir. Arxipelaqın sahəsi 3756 km²-dir. Paytaxtı Qryotviken.

Adalar 1675-ci ildə Antoni de la Roşe tərəfindən kəşf edilmişdir. Adaların ilk xəritəsini 1775-ci ildə Ceyms Kuk tərtib etmişdir. Cənub-qərb hissəsini Faddey Bellinshauzen və Mixail Lazarevin təşkil etdiyi ekspedisiya zamanı tətqiq edilmişdir (Annenkov adası, Poryadin burnu.). XVIII və XIX əsrlərdə adalarda britaniyalı və amerikalı suiti ovçuları yaşayırdı.

Daimi yaşayış məntəqəsi Qryotvikendir. Üstəlik burada Kinq Eduard Poynt və Berd Aylend elmi satansiyaları yerləşir. Qryotviken ilk əvvəl balina ovu bazası rolunu oynasada, 1982 - 2001 illərdə hərbi baza olmuşdur. Adada Cənubigeorgiya muzeyi yerləşir. Mövsümdən asılı olaraq 20-50 nəfər arasında əhali yaşayır. Yayda müvəqqəti stansiyaların hesabına əhalinin sayı artır.

Cənubi Sendviç adaları

Əsas məqalə: Cənubi Sandviç adaları

Subantarktik qurşaqda yerləşən arxipelaq, Cənubi Georgiyadan cənub-şərqdə yerləşir. Arxipelaq çoxlu sayda kiçik adalardan ibarətdir. Arxipelaqın ümumi sahəsi 310 km²-dir.

Arxipelaq Cənubi Sandviç novunun kənarı boyunca, Cənubi Antil silsiləsi üzərində uzanır. Əsasən vulkanik suxurlardan ibarətdir. Ən hündür nöqtəsi Monteqyo adasında yerləşən Belinda dağıdır (1372 m)

İqlimi subantarktikdir, daimi küləklər əsir, il boyu yağıntı əsir.

Adaların ilk dəfə kim tərəfindən kəşf edilməsi dəqiq deyil. 1775-ci ildə Ceyms Kuk adalarda olmuşdur. Faddey Bellinshauzen və Mixail Lazarevin təşkil etdiyi ekspedisiya zamanı dəqiq xəritələri tərtib olunmuşdur. Daimi qütb stansiyaları yoxdur.

Şaq qayası

Əsas məqalə: Şaq qayalıqları

Elə də böyük olmayan qaya parçası. Folklend adaları ilə Cənubi Georgiya arasında yerləşir.

Belə bir əfsanə vardır ki, qızılla dolu ispan gəmisi qaya yaxınlığında qəzaya uğramışdır. Son ekspedisiyalar bunu təsdiq etməmişdir.

Ruh adası adlandırılan Avrora adasının koordinatları ilə üst-üstə düşür.

Qayanın sahəsi 0,02 km² təşkil edir.

Mənbə

S. GEORGIA-04 Arxivləşdirilib 2007-09-28 at the Wayback Machine — Cənubi Georgiyadan şəkillər, müəllif Vladimir Pçelin
Çənubi Sandviç adalaraından şəkillər (ing.), müəllif Kristof Breşi
Cənubi Georgiyada veb-kameralar (ing.)
Cənubi Georgiya və Sandviç adaları

Həmçinin bax

This article uses material from the Wikipedia Azərbaycanca article Cənubi Georgiya və Cənubi Sendviç adaları, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.