İmfal: Hindistanın Manipur ştatında ştatın paytaxtıdır
İmfal - Hindistanın Manipur ştatında şəhər.
Həmçinin bu ştatın paytaxtıdır.
| Şəhər | |
| İmfal | |
|---|---|
| Bişnupriya-manipuri: ইম্ফল | |
 | |
| Ölkə |  Hindistan |
| Region | Manipur |
| Tarixi və coğrafiyası | |
| Mərkəzin hündürlüyü | 786 m |
| İqlimi | Rütubətli subtropik |
| Saat qurşağı | UTC+05:30 |
| Əhalisi | |
| Əhalisi | 264 986 nəfər (2011) |
| Rəsmi dili | Manipuri dili |
| Rəqəmsal identifikatorlar | |
| Telefon kodu | +91 3852 |
| Poçt indeksi | 795xxx |
| Nəqliyyat kodu | MN01 |
| Digər | |
| imphalwest.nic.in (ing.) | |
| | |
 Vikianbarda əlaqəli mediafayllar | |
İqlimi
İmfal Hindistanın ən şərqində yerləşir. Keppenin iqlimlər təsnifatına görə rütubətli subtropik iqlimə malikdir. Qışları mülayim, qurudur. Ən isti ay iyun, ən soyuq ay isə yanvardır. Şəhərə hər il ortalama 1320 mm yağıntı düşür. Ən yüksək temperatur 35.6 °C 22 may 2009-cu ildə, ən aşağı temperatur isə −2.7 °C 10 yanvar 1970-ci ildə qeydə alınmışdı.
Əhalisi
2011-ci ilin əhalinin siyahıyaalınması məlumatlarına görə İmfalın əhalisi 264 986 nəfər olmuşdur. Bunlardan 128 931 nəfəri kişi və 136 055 nəfəri isə qadındır. Metropoliten sahəsinin əhalisi isə 414 288 nəfərdir (201 635 nəfər kişi və 212 653 nəfər qadın olmaqla). Hər 1000 kişiyə 1055 qadın düşür. Uşaqlarda isə bu göstərici hər 1000 oğlana 939 qızdır.
Nəqliyyat
Avtomobil yolları
İmfal Milli Avtomagistral 37 vasitəsi ilə Silçara, Milli Avtomagistral 150 vasitəsi ilə Aijal və Milli Avtomagistral AH-1 vasitəsi ilə isə Dimapura bağlanır.
Hava nəqliyyatı
İmfal Beynəlxalq Hava Limanı İmfal şəhərindən 8 km cənubda yerləşir. İmfal Beynəlxalq Hava Limanı şimal-şərqi Hindistanın ikinci ən böyük hava limanıdır.
Dəmiryolu nəqliyyatı
2012-ci ilin oktyabr ayında Hindistan Nazirlər Kabinetinin İnfrastruktur Komitəsi Jiribam-Silçar dəmiryolu xətti İmfala qədər uzadılmasını təsdiqlədi. Dəmiryolunun bu hissəsinin çəkilişinin 2016-cı ilin mart ayında tamamlanması planlaşdırılır.
Təhsil
Universitetlər
- Manipur Mərkəzi Universiteti
- Mərkəzi Kənd Təsərrüfatı Universiteti
Texniki Kolleclər
- Manipur Texnologiya İnstitutu
- Milli Texnologiya İnstitutu, Manipur
Tibb Kollecləri
- Tibb Elmləri Regional İnstitutu
- Cəvahirləl Nehru Tibb Elmləri İnstitutu
İmfalın görməli yerləri
Kanqla Qalası
Kanqla qalası İmfal çayının kənarında yerləşir. Həmçinin Kanqla Sarayı adı ilə də tanınır. Qala Kral Paxanqbanın sarayı olmuşdu. Qalanın daxilində bir necə məbəd var və üç tərəfi göl ilə əhatə olunmuşdur.
Cümə məscidi
Cümə məscidi İmfalda yeganə İslam ibadətgahıdır.
Qadınlar bazarı
Ima Keithel adı ilə tanınan bu bazarın bütün piştaxtalarının sahibi qadınlardır. Dünyada bunun bənzəri yoxdur.
İmfal Müharibə Qəbiristanlığı
Bu qəbiristanlıqda ikinci dünya müharibəsi zamanı ölmüş ingilis və hind əsgərləri dəfn olunmuşdur.
Qalereya
-
Kanqla Qalasının girişi -
İmfal Müharibə Qəbiristanlığı -
Qadınlar bazarı (Ima Keithel) -
İmfal Hava Limanı -
İmfal Avtovağzalı -
Milli Avtomagistral 150 -
İmfal şəhərindən bir panoram
.jpeg)
.jpeg)
,_Imphal,_Manipur.jpg)
.jpeg)
İstinadlar
This article uses material from the Wikipedia Azərbaycanca article İmfal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.