Sistema Operativu

Entama a trabayar de la que se prende l'ordenador, y xestiona'l hardware de la máquina dende los niveles más básicos. Güei en día un sistema operativu puede alcontrase normalmente n'ordenadores o productos electrónicos como teléfonos móviles

Sistema operativu

Tipu	tipu de software
Etiqueta de Stack Exchange	Stack Exchange
← Nucleu

Sistemes operativos, hai munchos. Sicasí, de los más importantes y conocíos tán la familia de sistemes de Microsoft Windows, la familia de GNU/Linux como Ubuntu, Debian, Fedora,... o los sistemes operativos de Mac OS

Otra definición posible y abondo aceutada define un sistema operativu como una capa complexa ente'l hardware y l'usuariu, concebible tamién como una máquina virtual, que-y facilita al usuariu o al programador les ferramientes e interfaces aparentes pa facer les sos xeres informátiques, allanando-y los llaboriosos procesos necesarios pa llevales a cabu. Por exemplu, un usuariu normal namás abre los ficheros grabaos nun discu, ensin esmolecese pola disposición de los bits nel mediu físicu, los tiempos d'espera’l motor del discu, la posición d'un cabezal, l'accesu d'otros usuarios, etc. Magar que ye un tema afayao al alderique, dalgunos espertos tan d'alcuerdu en qu'un sistema operativu tien que tener, polo menos, un conxunto programes asemeyáu al siguiente:

• Un amestador.
• Una amplia biblioteca del llinguax de la
• Un compilador d'algún llinguax de programación, en Unix ye de C.
• Un enllazador.
• Un intérprete de comandos. plataforma.
• Un kernel o nucleu.

Otra definición, más coloquial, denoma sistema operativu a tol software que vien col ordenador enantes que s’instalar aplicación nenguna. Según esta definición, orientada al usuariu final, les ferramientes de desarrollu nun son necesaries y, sicasí, considérense elementos imprescindibles un ampliu númberu de programes orientaos a delles xeres, como editores de testu, alministradores d'archivos, navegadores, etc.

 

• Alministración de xeres:
  • Monoxera: Si namás pode executar un programa (aparte de los procesos del propiu S.O.) nun momentu dau. Una vegada qu'entama a funcionar un programa, siguirá faciéndolo dica que fine o seya interrumpío.
  • Multixera: Si ye capaz d'executar dellos programes al mesmo tiempu. Esti tipu de S.O. normalmente asigna los recursos disponibles (CPU, memoria, periféricos) de forma alternativa a los programes que-y los piden, de manera qu'al usuariu-y paez que toos funcionen a la vez.
• Alministración d'usuarios:
  • Monousuariu: Si namás permite executar los programes d'un usuario al mesmo tiempu.
  • Multiusuariu: Si permite que dellos usuarios executen a la mesma vegada los sos programes, garrando tolos recursos del ordenador. Normalmente estos SS.OO. empleguen sistemes de proteición de datos, de manera qu'un programa nun poda usar o camudar los datos d'otru usuariu.
• Manexu de recursos:
  • Centralizáu: Si dexa emplegar los recursos d'un solu ordenador.
  • Distribuyíu: Si dexa emplegar los recursos (memoria, CPU, discu, periféricos... ) de más d'un ordenador a la mesma vegada.
• Organización interno:
  • Kernel monolíticu (Linux, BSD, skyOS, Windows, Syllable).
  • Microkernel (BeOS, Mach, MacOSX, newOS).
  • Nanokernel (AdeOS, Eros, KeyKOS, Brix-OS).
  • VoiD (unununium, TUNES, Vapour).
  • Sasos (Opal, Mungi, BriX).
  • VM (Merlin, Argante).
  • Exokernel (MIT exokernel).
  • Caché kernel (Universidá de Stanford).

•   Wiki Commons tien conteníu multimedia tocante a Sistema operativu.