Mar Blancu
El mar Blancu (en rusu: Бе́лое мо́ре ; en finés: Vienanmeri) ye un estensu golfu del mar de Barents (nel océanu Glacial Árticu), alcontráu na mariña noroeste de Rusia.
Atópase llindáu pola península de Kanín al nordeste, por Karelia al oeste y pola península de Kola al norte. Tien una superficie averada d'unos 95.000 km². La mayor parte del añu ta xeláu.
| Mar Blancu | |
|---|---|
 | |
| Situación | |
 | |
| Tipu | Mar marxinal |
| Parte de | Océanu Glacial Árticu |
| Asitiáu en | Mar de Barents |
| Coordenaes | 65°48′N 39°00′E / 65.8°N 39°E |
  Mar Blancu Mar Blancu (Rusia) | |
| Datos | |
| Superficie | 90 800 km² |
| Noamáu por | blancu |
| Fondura | 330 m |
 | |
El mar Blancu tien cuatro grandes golfos o badees nel so interior: na parte más esterior, la badea de Menzen al este; nel tramu interior les otres trés, la badea de Dvina al sureste, el golfu d'Onega al sur y el golfu de Kandalakcha al noroeste. Nel so interior hai bastantes islles, siendo les mayores y más importantes la islla Morzhóvets y les islles Solovetsky, que'l so conxuntu foi declaráu patrimoniu de la Unesco.
El puertu d'Arcánxel, no fondero de la badea de Dvina, ye'l puertu más importante del mar Blancu y amás, mientres gran parte de la historia de Rusia, foi'l so principal centru de comerciu marítimu internacional. Na actualidá ye una base naval y de submarinos.
La canal Mar Blanco-Bálticu coneuta'l mar Blancu col mar Bálticu.
Tol mar Blancu son agües territoriales so soberanía rusa, bañen les sos agües la República de Carelia, l'Óblast d'Arcánxel y l'Óblast de Múrmansk.
Clima
El branu dura dende principios de xunu a finales d'agostu, anque na parte más al norte apenes dura un mes y mediu.
La temperatura del mar varia de 0,5 °C a -2 °C pel hibiernu y 12 °C a 15 °C pel branu. El xelu apaez n'ochobre y forma témpanos a partir de mediaos de payares. Dellos animales de les rexones polares lleguen equí buscando abellugu: foques de Groenlandia, perros de mar y foques motudes.
La fusión del xelu empieza n'abril y sume en mayu. Sicasí, por causa de los vientos del norte, pueden atopase témpanos flotantes hasta finales de xunu. Na primavera, so l'acción del vientu y les corrientes al sur, dellos animales son abasnaos nos témpanos de xelu escontra l'océanu, y son cazaos polos riberanos que se mueven en canoes con patinos.
Referencies
Enllaces esternos
Wiki Commons acueye conteníu multimedia sobre Mar Blancu 
.
This article uses material from the Wikipedia Asturianu article Mar Blancu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.