Liverpool ye una ciudá y conceyu metropolitanu del condáu de Merseyside, na rexón Noroeste d'Inglaterra, sobre'l llau este del estuariu del ríu Mersey.
Liverpool | |||
---|---|---|---|
| |||
Alministración | |||
País | Reinu Xuníu | ||
Nación constitutiva | Inglaterra | ||
Rexón | Noroeste d'Inglaterra | ||
Condáu metropolitanu | Merseyside | ||
Conceyu metropolitanu | Liverpool (en) | ||
Tipu d'entidá | ciudá | ||
Cabezaleru/a del gobiernu | Joanne Anderson | ||
Nome oficial | Liverpool (en) | ||
Nome llocal | Liverpool (en) | ||
Códigu postal | L | ||
Xeografía | |||
Coordenaes | 53°24′27″N 2°59′31″W / 53.4075°N 2.9919°O | ||
Superficie | 111.84 km² | ||
Altitú | 70 m | ||
Demografía | |||
Población | 513 441 hab. (2016) | ||
Porcentaxe | 100% de Liverpool (en) 35.8% de Merseyside 0% de Noroeste d'Inglaterra 0% de Inglaterra 0.76% de Reinu Xuníu | ||
Densidá | 4590,85 hab/km² | ||
Más información | |||
Fundación | 1207 | ||
Prefixu telefónicu | 151 | ||
Estaya horaria | UTC±00:00 UTC+01:00 | ||
Llocalidaes hermaniaes | Shanghai, Varna, Dublín, Odesa, Rotterdam, Colonia, Rio de Janeiro, Guadalajara y Rosario | ||
liverpool.gov.uk | |||
Llenda al norte col conceyu metropolitanu de Sefton, al este col de Knowsley, y al sur y oeste col mentáu ríu. Foi fundada como villa en 1207 y tuvo esi estatus hasta 1880, cuando recibió'l títulu de ciudá. Según l'últimu censu oficial, que data de 2001, Liverpool tenía una población de 439.473 habitantes; esta cifra aumenta llixeramente hasta los 454.654 habitantes según estimaciones pal añu 2009; pero cuntando los suburbios, ye dicir l'Área Metropolitana de Liverpool, la so población xube a 816.216 habitantes.
Históricamente perteneciente al condáu de Lancashire, la urbanización y espansión de Liverpool débese en gran parte a la so condición de ciudá portuaria importante. Nel sieglu XVIII, el comerciu coles Indies Occidentales, cola Europa continental y el tráficu d'esclavos nel Atlánticu promovió la espansión económica de la villa. A principios del sieglu XIX, el 40% del comerciu marítimu mundial pasaba polos muelles de Liverpool. Anguaño ye'l segundu puertu del Reinu Xuníu en volume d'esportaciones, tres Londres.
La popularidá de The Beatles y del equipu de fútbol Liverpool FC contribúin a convertir a Liverpool nun destín turísticu; el turismu xuega un papel significante na economía de la ciudá. En 2007 celebró'l so 800º aniversariu, y al añu siguiente foi Capital Europea de la Cultura al pie de la ciudá noruega de Stavanger. En 2004, delles zones a lo llargo del centru de Liverpool fueron declaraes Patrimoniu de la Humanidá pola UNESCO.
This article uses material from the Wikipedia Asturianu article Liverpool, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.