利物浦(英文:Liverpool)是英格兰穆西岸郡个一座中心城市,1207年成为城镇,1880年获得城市地位。立在2014年,利物浦市区有人口45万人,大利物浦都会区有人口240多万,是整个英国屈指可数个大都市。立在传统历史浪,利物浦个位置立在兰开夏郡个西南面。此地历史并弗长久,立在工业革命之后才发规模发展起来,同时因为面朝大西洋,立在维多利亚时代,成为大英帝国邪气重要个中转港口,人口搭生产侪飞速发展。同时,大量威尔士、爱尔兰移民来到此地,带来伊拉个传统文化,促进利物浦本地文化个形成,并形成利物浦方言。到第二次世界大战之后,因为工业萧条搭大英帝国影响力下降,利物浦经历一段衰退,弗过,因为有利物浦足球俱乐部搭披头士乐队。此地立在世界浪个名气倒是越来越高。九十年代之后,利物浦慢慢转型。乃朝重新开始人口增长搭繁荣。弗过搭曼彻斯特相比,复苏个规模较小。
This article uses material from the Wikipedia 吴语 article 利物浦, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.