La lletra J ye una lletra ayena al alfabetu asturianu y que nun s'usa nesti idioma sacantes estranxerismos o cultismos.
Representa diversos soníos según l'orixe de la pallabra; asina, en pallabres d'orixe castellanu, pronúnciase como velar fricativa sorda [x] (como la grafía dialectal «ḥ»), como por exemplu Guadalajara, Tijuana, Jiménez; pijo, -a, joder, etc.; como palatal fricativa sonora [ʝ] (como la lletra «y») pa pallabres con pronunciación orixinal en [ʒ] o [d͡ʒ], como por exemplu Jules Verne, Johannesburgu, joule, etc.; y como vocal [i], semiconsonante/semivocal [j] (o mesmo como la consonante [ʝ]), en pallabres que la so pronunciación orixinal ye la de la semiconsonante avandicha, como por exemplu Osijek, Sjæland, etc.
El nome de la lletra, «jota» o «yota», remanez del llatín iota a traviés del griegu antiguu nel que correspondió a una i llarga (frente a ípsilon, "i breve"). En llatín la pronunciación de I y J yera [i], [i:]] o [j], pero les llingües romances desendolcaron nuevos soníos que foron representaos como ⟨I⟩ y ⟨J⟩.
This article uses material from the Wikipedia Asturianu article J, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.