Los coccinélidos (Coccinellidae) son una familia d'inseutos coleópteros de la superfamilia Cucujoidea.
Reciben distintos nomes vulgares, siendo los más comunes catasol, reisol y mariquita. Tienen el cuerpu arredondiáu y con frecuencia presenten colores vivos. Munches especies aliméntense de pulgones, polo que contribúin a controlar estes plagues.
Coccinellidae | ||
---|---|---|
Clasificación científica | ||
Reinu: | Animalia | |
Filu: | Arthropoda | |
Clas: | Insecta | |
Orde: | Coleoptera | |
Suborde: | Polyphaga | |
Infraorde: | Cucujiformia | |
Superfamilia: | Cucujoidea | |
Familia: | Coccinellidae Latreille, 1807 | |
Subfamilies | ||
| ||
Consultes | ||
[editar datos en Wikidata] |
El so nome común varia muncho y hai diferentes formes de denomalos. Pue llamase por un nomes simple, como catalina, catasol, corderín, mariquita, marzolín, nanina, rei, reichín, reisol, santina; o tamién por un nome compuestu, como anxelín del cielu, caracol de Dios, caracolín de Dios, caracol de San Xuan, catalinina de Dios, cogollín del rei, mariposina de Dios, paxarina de Dios, perrín de Dios, perrina de Dios, pitina de Dios, tarralina de Dios, vaquina de Dios, zapaterina de Dios, perrín de San Roque.
Los coccinélidos atópense per tol mundu, con más de 4500 especies descrites. Xeneralmente habiten plantes onde s'atopen les sos preses, como los pulgones o áfidos.
Ponen los güevos de color mariellu ún por ún o asitiaos en grupos sobre les fueyes o tarmos, xeneralmente na cercanía de colonies de pulgones. Dempués d'una selmana, remanecen les canesbes que tienen seis pates, y gran movilidá. Dalgunes son espinoses o verrugoses, de color negru con minúscules manches blanques o anaranxaes, anque hai una gran variedá nos colores según la especie.
Estes canesbes pasen por cuatro estadios antes de convertise en pupes. Les pupes xuntense a les fueyes, tarmos o roques, y suelen ser de color anaranxáu y negru. Pueden confundise con escrementos d'aves. De la pupa remanez un adultu de color amarellentáu ensin tener entá definíos los colores carauterísticos del adultu; pero los mesmos apaecen nunes poques hores.
Los catasoles son bien apreciaos yá que son depredadores naturales de los áfidos (pulgones), cocos, pulgues, ácaros y cochinillas que son plagues pa l'agricultura. Un catasol adultu envalórase que puede consumir más de mil d'estos animales mientres el branu y si tenemos en cuenta qu'una fema puede tener más d'un millón de críes daremos cuenta de por qué son consideraos como insecticides naturales. En munchos llugares del mundu utilizense pa lo que se conoz como control biolóxicu de les plagues; esto ye, estes esanicien los animales perxudiciales pa l'agricultura utilizando los sos enemigos naturales, en llugar d'utilizar productos químicos.
Los sos depredadores más comunes son los páxaros; otros son les xaronques, aviespes, arañes y libélulas. El so desagradable sabor protexenla en cierta midida contra los sos depredadores.
Nel añu 1999, como parte d'un proyeutu propuestu por un grupu d'alumnes de secundaria en Chile, una colonia de Coccinellinae foi llevada al espaciu. Fueron parte de la misión STS-93 del tresbordador Columbia, en que se-yos integró a una investigación sobre'l comportamientu de plantes y artrópodos n'ambientes de microgravedad. (Base de datos de la investigación en microgravedad)
Wikispecies tien un artículu sobre Coccinellidae. |
This article uses material from the Wikipedia Asturianu article Coccinellidae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.