অতনু ভট্টাচাৰ্য

তেখেতৰ জন্ম হৈছিল ১৪ জুন, ১৯৬৭ চনত। জন্ম স্থান- শ্বিলং। পিতৃৰ নাম- শ্যামাবল্লভ ভট্টাচাৰ্য আৰু মাতৃৰ নাম গীতা দেৱী।

তেওঁ গোৱালপাৰাৰ পৃথ্বিৰাম চৰকাৰী উচ্চতৰ আৰু বহুমুখী বিদ্যালয়ৰপৰা মেট্ৰিক পৰীক্ষাত উত্তীৰ্ণ হয়। হায়াৰছেকেণ্ডৰী পৰীক্ষাত উত্তীৰ্ণ হয় কটন কলেজৰ পৰা আৰু গণিত বিষয়ত স্নাতক ডিগ্ৰী লাভ কৰে গোৱালপাৰা কলেজৰপৰা। গুৱাহাটী বিশ্ববিদ্যালয়ৰপৰা গণিত বিষয়ত স্নাতকোত্তৰ ডিগ্ৰীৰ বাবে অধ্যয়ন কৰিছিল যদিও চৰকাৰী চাকৰি লাভ কৰাত সেই শিক্ষা আধৰুৱা হৈ ৰয়। পৰৱৰ্তী সময়ত তেওঁ গুৱাহাটী বিশ্ববিদ্যালয়ৰ 'Journalism and Mass Communication' বিভাগৰপৰা মাষ্টাৰ ডিগ্ৰী গ্ৰহণ কৰে।

গোৱালপাৰাত প্ৰায় বিশ বছৰকাল চৰকাৰী হাইস্কুলৰ চাকৰি কৰি পৰৱৰ্তী সময়ত স্বেচ্ছা-অৱসৰ লৈ সাংবাদিকতাৰ সৈতে জড়িত হয়। পৰৱৰ্তী সময়ত তেওঁ আছাম স্কুল অৱ জাৰ্ণেলিজিমত Academic Consultant হিচাপে কাম কৰে। এবছৰ আছাম স্কুল অৱ জাৰ্ণেলিজিমত কাম কৰাৰ পাছত বৰ্তমান তেওঁ প্ৰতিদিন গোষ্ঠীৰপৰা প্ৰকাশিত ‘সাতসৰী’ আলোচনীৰ কাৰ্যকৰী সম্পাদক হিচাপে কৰ্মৰত।

কবিতাৰ পুথি

• সহযোদ্ধা, ১৯৯১
• অশ্লীল ৰাতিৰ কবিতা, ১৯৯৫
• জীৱনৰ ভগ্নাংশ, ২০০১
• প্ৰাপ্তি-অপ্ৰাপ্তি, ২০০৮

গল্প সংকলন

• ওভতনি যাত্ৰা আৰু অন্যান্য গল্প, ২০০৪
• নীলাৰ কাৰণে অলপ ভালপোৱা, ২০০৬
• বৰষুণৰ চেতাৰ, ২০০৮
• চেঁকুৰ, ২০১৩
• ৰধুনাথ,কাপোৰ পিন্ধা,২০২১

ব্যক্তিগত ৰচনা

• জীৱন আজীৱন, ২০১০

প্ৰবন্ধ সংকলন

• সৃজনীমূলক সাহিত্য: প্ৰেৰণা আৰু আৰ্হি, প্ৰকাশ-২০১৫

সাক্ষাৎকাৰমূলক গ্ৰন্থ

• বাৰ্তালাপ-১, প্ৰকাশ- নৱেম্বৰ, ২০১৯
• বাৰ্তালাপ-২, প্ৰকাশ- নৱেম্বৰ, ২০১৯
• বাৰ্তালাপ-৩, (সহযোগী- মিতালী দে), প্ৰকাশ- নৱেম্বৰ, ২০১৯

• অন্তৰ্লিপি সাহিত্য সন্মান, ২০১৩