নাছিৰুদ্দিন শ্বাহ (ইংৰাজী: Naseeruddin Shah) হৈছে এগৰাকী প্ৰসিদ্ধ ভাৰতীয় চলচ্চিত্ৰ অভিনেতা। তেওঁ মূলসূঁতিৰ হিন্দী চলচ্চিত্ৰৰ লগতে ভাৰতীয় সমান্তৰাল চলচ্চিত্ৰৰ লগতো জড়িত। ৰাষ্ট্ৰীয় চলচ্চিত্ৰ বঁটা বিজয়ী অভিনেতাজন ফিল্মফেয়াৰ বঁটাৰে সন্মানিত হৈছে। ভেনিচ চলচ্চিত্ৰ মহোৎসৱত তেওঁ বিশেষভাৱে সন্মানিত হৈছে। ভাৰতীয় চলচ্চিত্ৰলৈ আগবঢ়োৱা অৱদানৰ বাবে নাছিৰুদ্দিন শ্বাহক ভাৰত চৰকাৰে পদ্মশ্ৰী আৰু পদ্মভূষণ বঁটাৰে সন্মানিত কৰিছে।
নাছিৰুদ্দিন শ্বাহ | |
---|---|
২০১৩ চনত নাছিৰুদ্দিন শ্বাহ | |
জন্ম | ২০ জুলাই, ১৯৫০ Barabanki, United Provinces, India |
ৰাষ্ট্ৰীয়তা | ভাৰতীয় |
নাগৰিকত্ব | ভাৰতীয় |
শিক্ষানুষ্ঠান | ফিল্ম এণ্ড টেলিভিশ্যন ইনষ্টিটিউত অৱ্ ইণ্ডিয়া ৰাষ্ট্ৰীয় নাট্য বিদ্যালয় |
পেচা |
|
সক্ৰিয় হৈ থকা সময় | ১৯৭২ ৰ পৰা বৰ্তমানলৈকে |
দাম্পত্যসঙ্গী | Parveen Murad, also known as Manara Sikri (deceased) Ratna Pathak (বি. ১৯৮২) |
সন্তান | 3, including Imaad, Vivaan |
আত্মীয়-স্বজন | Zameerud-din Shah (brother) Dina Pathak (mother-in-law) Supriya Pathak (sister-in-law) Mohommed Ali Shah (nephew) |
বঁটা, সন্মান, পুৰস্কাৰ আদি | ৰাষ্ট্ৰীয় চলচ্চিত্ৰ বঁটা ফিল্মফেয়াৰ বঁটা |
নাছিৰুদ্দিন শ্বাহৰ জন্ম ১৯৫০ চনত উত্তৰপ্ৰদেশত হৈছিল।
নাছিৰুদ্দিন শ্বাহে st. Anselm's Ajmer আৰু নাইনিতালৰ St Joseph's College ৰ পৰা শিক্ষা গ্ৰহণ কৰে। ১৯৭১ চনত শ্বাহে আলিগড় মুছলিম ইউনিভাৰ্ছিতিৰ পৰা স্নাতক ডিগ্ৰী গ্ৰহণ কৰে। তেখেতে ৰাষ্ট্ৰীয় নাট্য বিদ্যালয়ৰ পৰা অভিনয়ৰ পাঠ্যক্ৰম গ্ৰহণ কৰে।
১৯৬৭ চনত মুক্তিপ্ৰাপ্ত ''আমান'' নামৰ ছবিখনত এটা সৰু চৰিত্ৰ ৰূপায়ণেৰে শ্বাহে চলচ্চিত্ৰ জগতত খোজ পেলায়।
১৯৮০ চনত মুক্তিপোৱা ''হাম পাঁচ'' নামৰ চলচ্চিত্ৰখনত অভিনয়ৰ পাছৰ পৰা তেওঁ মূলঃসূতিৰ বলিউদী চলচ্চিত্ৰৰ লগত সক্ৰিয়ভাৱে জড়িত হৈ পৰে। তেওঁৰ এখন গুৰুত্বপূৰ্ণ চলচ্চিত্ৰ ''মাচুম'' ১৯৮৩ চনত মুক্তি পায়। এই ছবিখন নাইনিতালৰ St. Joseph's College তে শ্বুটিং কৰা হৈছিল।
নতুন দিল্লী, মুম্বাই, বাংগালোৰ, লাহোৰৰ বিভিন্ন থিয়েটাৰ গ্ৰুপৰ লগত নাছিৰুদ্দিন শ্বাহ জড়িত।
২০০৬ চনত মুক্তিপ্ৰাপ্ত ''য়ু হৌতা তৌ ক্যা হৌতা'' নামৰ চলচ্চিত্ৰখনৰ জৰিয়তে শ্বাহে চলচ্চিত্ৰপৰিচালকৰূপে আত্মপ্ৰকাচ কৰে। পৰেচ ৰাৱাল, ইৰফান খান,কংকণা সেন শৰ্মা,আয়েছা টাকিয়াকে ধৰি বহু ন-পুৰণি অভিনেতাই চলচ্চিত্ৰখনত অভিনয় কৰিছে।
শ্বাহৰ আত্মজীৱনীখনৰ নাম হৈছে '''এণ্ড ডেন্ ওৱান দে''' (And Then One Day)
নাছিৰুদ্দিন শ্বাহক লৈ সততে বিতৰ্ক হোৱা দেখা যায়। শ্বাহে তেওঁতকৈ জেষ্ঠ্য অভিনেতা দিলীপ কুমাৰ, ৰাজেশ খান্না; তেওঁৰ সতীৰ্থ অভিনেতা অনুপম খেৰ; তেওঁতকৈ কনিষ্ঠ অভিনেতা শ্বাহৰুখ খান, চলমান খান; ভাৰতীয় ক্ৰিকেটাৰ বিৰাট কোহলী আৰু ৰাজনীতিবিদ তথা ভাৰতৰ প্ৰধানমন্ত্ৰী নৰেন্দ্ৰ মোডীক প্ৰায়ে সমালোচনা কৰা দেখা যায়। শ্বাহৰুখ খান আৰু চলমান খানৰ চিনেমাৰ দৰ্শকে তেওঁৰ চিনেমা চোৱা উচিত নহয় বুলিও নাছিৰুদ্দিন শ্বাহে মন্তব্য কৰে। ২০১৬ চনত শ্বাহে প্ৰসিদ্ধ অভিনেতা ৰাজেশ খান্নাকো সমালোচনা কৰা দেখা যায়। সত্তৰ দশকৰ চলচ্চিত্ৰবোৰত মজলীয়া গুণৰ দুৰ্বল অভিনয়ৰ বাবে ৰাজেশ খান্নাক দোষাৰোপ কৰি শ্বাহে কয়যে প্ৰসিদ্ধ অভিনেতাজন সৰ্তক অভিনেতা নাছিল। অৱশ্যে এই বক্তব্যৰ পাছত বিভিন্নজনৰ পৰা সমালোচিত হোৱাৰ পাছত শ্বাহে এই বিষয়ত ক্ষমা খোজে। ২০১৮ চনত শ্বাহে ভাৰতীয় ক্ৰিকেটাৰ বিৰাট কোহলীক বিশ্বৰ আটাইতকৈ অশোভনীয় আচৰণৰ ক্ৰিকেটাৰ বুলি কৈ বিতৰ্কৰ সূত্ৰপাত ঘটাইছিল। ২০১৮ চনত সংঘটিত এক সাম্প্ৰদায়িক হিংসাৰ প্ৰতিক্ৰিয়া দিবলৈ গৈ শ্বাহে কৈছিলযে তেওঁ আজিকালি ভাৰতত অসুৰক্ষিত অনুভৱ কৰে। তেওঁৰ সন্তানো কেতিয়াবা গণ উন্মাদনাৰ বলি হ'বলগীয়া হ'ব পাৰে বুলি শ্বাহে উদ্বিগ্নতা প্ৰকাশ কৰে। ২০২০ চনৰ জানুৱাৰীত শ্বাহে তেওঁৰ সতীৰ্থ অভিনেতা অনুপম খেৰক তীব্ৰ সমালোচনা কৰা দেখা যায়। নাগৰিকত্ব (সংশোধনী) আইন সম্পৰ্কে বলিউদৰ অভিনেতা অনুপম খেৰে গ্ৰহণ কৰা স্থিতিৰ বাবে অনুপম খেৰক ‘বহুৱা’ আৰু 'তোষামোদকাৰী' আখ্যা দিছিল নাছিৰুদ্দিন শ্বাহে।
This article uses material from the Wikipedia অসমীয়া article নাছিৰুদ্দিন শ্বাহ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.