أحمد بن محمد الصبيحي
أحمد بن محمد الصبيحي السلاوي (مزيود ف يناير 1882 ف سلا، توفّا ف 12 يناير 1944 ف نفس لمدينة) كاتب، شاعر و توارخي مغريبي.
كان ناضر د لحبوس ف مكناس و ف آسفي و عندو عاداد د لمؤلّافات منّها كتوبا على دّاريجة و تّرات لمغريبي، ؤ وصف ديال رّحلات ديالو ف لبلدان.
أحمد بن محمد الصبيحي | ||
 | ||
| معلومات عامة | ||
| زيادة | يناير 1882 سلا | |
| لموت | 12 يناير 1944 (61/62 عام) سلا | |
| لجنسية | لمغريب | |
| لحرفة | كاتب، توارخي و شاعير | |
| لّوغات لي كيعرف | عربية | |
حياتو
حمد صّبيحي تولد ف سلا ؤ كمّل لحفاضة د لقرأن ب سبع حروف ف 1906 (1324 هـ) على يد فقها بحال أحمد البارودي، و محمد بن عبد الله بريطل. درس لقواعد د لعربية و علوم الشريعة من عند خالو محمد بن أحمد السدراتي، الحسن بن إسماعيل، محمد حتّى الزموري و أحمد بن الفقيه الجريري، ؤ غيرهوم.
مشا ل فاس ؤ قرا فيها 4 سنين على يد فقها بحال قاضي فاس عبد الله بن خضرا، علي بن الطيب الدرقاوي، محمد لقادري، محمد ڭنون، و عبد السلام الهواري.
من 1906 خدم ف مناصب منّها كاتب ف عمالة د سلا، ؤ موضّاف ف لمحكامة د سلا ؤ د رّباط، و ناضر د لحبوس ف أسفي ؤ موراها ف مكناس. و كان كيقرّي تا ف جّامع.
مشا ل لحج ف 1916 (1334 هـ). و سافر ل بزاف د لبلدان بحال دزاير، تونس، مصر، لحيجاز، شّام، فرانسا و بلجيكا. ف لعام لي موراه رجع ل مصر باش يكمّل قرايتو على لّهجات لعربية، ؤ يخدم على كتابو "معجم إرجاع الدارج في المغرب إلى حظيرة أصله العربي". و ألّف كتاب أخور ب لعربية سميتو "الرحلة الثانية" هضر فيه على مصر.
أعمال
حمد سّلاوي عندو 20 مؤلّاف، بزاف منها باقين مخطوطات ماتنشراتش، منهوم:
- الرحلة المغربية المكية (ب لعربية).
- المقتطف اليانع من روض الحديث الجامع (ب لعربية). 1934.
- معجم إرجاع الدارج في المغرب إلى حظيرة أصله العربي.
- الرحيلة الثانية للصبيحي الى مصر: في ربيع الثاني 1353-جويليت 1934. 1934.
- المقتطف اليانع من روض الحديث الجامع. 1934.
- ورود مغربية.
- أصول أسباب الرقي الحقيقي.
- أحمد بن محمد الصبيحي السلاوي، محمد الظريف، علال ركوك، الرحالي الرضواني، محمد بنشريفة، عبد الرحيم العطاوي (2004). كتابات أحمد بن محمد الصبيحي السلاوي حول أسفي: باكورة الزبدة من تاريخ أسفي و عبدة، الرحلة الأسفية (نظارة أسفي)، صلحاء أسفي و عبدة، عيسى بن عمر و فظائعه. منشورات جمعية البحث و التوثيق و النشر.CS1 maint: uses authors parameter (link)
طرجمات ديال كتوبو
عيون لكلام
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article أحمد بن محمد الصبيحي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.