لمكتابة لوطنية لفرانساوية (لفرانساوية: Bibliothèque nationale de France) هي وحدة من أكبر و أهم لمكتابات فالعالم، وهي وحدة من الرموز ديال الثقافة و التراث لفرانساوي.
هاد لمكتابة كيرجع لأصل ديالها ل لمكتابة لملكية لي تأسست ف 1368 ف باريس، و من بعد توسعات بشكل تدريجي، و بدّلات لموضع ديالها شحال من مرة.
لمكتابة لوطنية لفرانساوية فيها مجموعة كبيرة و مهمة ديال لكتوبا و لوثائق و لمخطوطات و التصاور. فيها كتر من 40 مليون د لحوايج، منهوم 15،7 مليون كتاب، 400،000 جورنال، 900،000 خريطة، و 2 د لمليون د التسجيلات لموسيقية. فيها تا 40 مليون أرشيڤ د لويب لي ف لمجوع فيها 1400 طيرابايت.
هاد لكتوبا و لوثائق كتتوزع على مجموعة ديال الأقسام والمواضيع، وكاين فيها أقسام خاصة بالتاريخ و الأدب و العلوم و الفن و غيرهم من المواضيع الثقافية و العلمية. بالإضافة للمجموعة الدايمة، كاتنضّم لمكتابة الوطنية لفرانساوية معارض و فعاليات مختلفة ديال الثقافة والفن.
لمكتابة مفتوحة للجمهور و للدارسين و الباحثين. المكتبة كاتخلي الناس يدخلو و يستفادو من لكتوبا و المصادر و المعلومات لي عندها.
لمكتابة الوطنية لفرانساوية هي مكان هام بزاف للباحثين والمهتمين بالتاريخ و الثقافة لفرانساوية و العالمية. و كاين فيها كمان خدمات ديال البحث عبر الإنترنت.
This article uses material from the Wikipedia داريجة article لمكتابة لوطنية لفرانساوية, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.