بوشويكة
بوشويكة (ب لفرانساوية varicelle، ب لعربية جذري الماء) هيا واحد لمرضة جلدية وعصبية كايتسبب فيها ڤيروس سميتو بوشويكة-زونا نقدرو نختاصروه ب VZV (بلفرونصي :Varicelle-Zona) ، الخطورة ديالها كاتختالف على حسب لحالة ديال بنادم، واش ماعندوش لمناعة، واش دري صغير ؤلا شارف ؤلا مرا حاملة.
تقدر تكون قاتلة بالنسبة ل شيواحد بالغ ماعندوش لمناعة، لمرا لحاملة ؤلا دري يالاه تزاد.
قراية على لمرضة
لڤيروس بوشويكا-زونا "VZV" ماعندوش شي ريزيرڤوار آخور من غير بنادم، يعني كايضرب غير بنادم ؤ ماكايضربش لكائنات لخرا، هاد لڤيروس معدي بزاف ؤ كايدوز ب الهوا (ب الشمان ديال لقطرات د الدفال د لمريض) ولاكن يقدر يدوز من لمرا لحاملة للجنين ديالها ؤ كايضرب خاصةً الدراري الصغار.
هاد لمرضة كاتكون بلا أعراض لمدة تقريبا د سيمانة (تقدر توصل حتال تلاتة دسيمانات) ؤ كاتبان على شكل سخانة ؤ شي طفحات جلدية غوزية على شكل بواقات كاتبان ف لجسم كاملو اللي من بعد كاتطور ؤ كاتعطينا جروحة مقشرين عامرين ب الݣيح هاد لحالة كانسميوها بوشويكة، إلا داز لڤيروس لشي ولسيسة عصبية حسية كايعطينا طفحات ملوكاليزيا ف لمناطق الحسية اللي كايعصبها هاد العصب هاد لحالة كاتسما الزونا.
غالبا هاد لمرضة كاتشافا غير بوحدها مورا سيمانة ؤلا جوج يلا كان بنادم عندو مناعة قوية، سينو تقدر تعقّد ل زونا د لعينين، ؤلا خماج خطير ديال الرية يلا كان بالغ و تصاب بلڤيروس.
 | تقدر تزيد شوف بزاف د تّصاور و لمعلومات ديال Chickenpox ف ويكيميديا كومنز. |
عيون لكلام
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article بوشويكة, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.