Kardinaal isch e gäistlige Diddel in dr römisch-katholische Chille und im Rang dr höggste noch em Babst.
Mit em Kardinaalsdiddel überchunnt dr Gäistlig e bsundrigi Mitverantwortig an dr Gsamtläitig vo dr Chille im Kardinaalskollegium und dr Röömische Kurie und git em s Rächt bis zur Volländig vom 80. Lääbensjoor grundsätzlig bi dr Waal vom Babst mitzstimme.
Diözesaanbischöf mit em Kardinaalsdiddel kümmere sich um die Ufgoobe zuesätzlig zur Läitig vo iirem Bistum, wääred Kuriekardinääl mit Minister chönne vergliche wärde und an dr Kurie in Room schaffe.
S Kardinaalskollegium isch in drei Klasse vo Kardinääl iidäilt, si Vorsitzend isch dr Kardinaaldekaan. Vo de 225 Kardinääl, wo zur ZIt no lääbe, weere 126 im Konklaav waalberächdigt (Stand: 27. November 2022)Vorlage:Zukunft.
Dr Usdruck Kardinaal chunnt vom latiinische cardinalis „wichdig, vorzüüglig“ (abgläitet us cardo „Düürangle, Drüll- und Angelpunkt“). Ursprünglig het er sich uf e Gäistlige bezooge, wo an ere räömische Hauptchille (cardo) – aagstellt gsi isch au usserhalb vo Rom (incardinatus cardinalis), wo em e Chille oder Diakonii as Ditelchille (tituli cardinales) in Rom aaverdraut gsi isch.
Dr volli Diddel isch: Sanctae Romanae Ecclesiae Cardinalis („Kardinaal vo dr Häilige Röömische Chille“), was in chirchlige Urkunde mäistens mit S. R. E. Cardinalis abkürzt wird. D Patriarche vo de orientaalische Chille häi dr Diddel Sanctae Ecclesiae Cardinalis, wil si nit zum röömische Klerus ghäöre.
As Bestanddäil vom Naame wird in dr röömisch-katholische Chille s Wort Kardinaal mäistens zwüsche dr Vor- und dr Familienaame gstellt. Die protokollarischi Aareed isch „Öicheri Eminänz“.
This article uses material from the Wikipedia Alemannisch article Kardinal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.