Ökosüsteem (altgriech. οἶκος oikós ,Huus‘ und σύστημα sýstema ,s Zämmegstellte‘, ,s Verbundnige‘) isch e Fachbegriff vo de ökologische Wüsseschafte.
En Ökosüsteem bestoot us ere Lääbensgmäinschaft vo Organisme vo meerere Arte (Biozönose) und us irer umbeläbte Umwält, wo as Lääbensruum oder Biotop bezäichnet wird.
Dr Begriff Ökosüsteem wird in de Naturwüsseschafte im ene Sinn brucht, wo vo Wärturdäil frei isch. In dr Politik und in dr Alldaagswält wird vilmol eso gschwätzt, wie wenn Ökosüsteem as sonigi sötte gschützt wärde. Wenn das bassiert, denn si nit Ökosüsteem im Allgemäine gmäint, sondern ganz bestimmti Ökosüsteem, wo mä as nützlig oder uf en anderi Art wärtvoll aaluegt. Ökosüsteem si willkürligi Konstrukt. Si häi käni wirklige, natürlige Gränze, weder ooberi no underi: e Glungge isch grad so guet en Ökosysteem wien e Meer. S grösste Ökosüsteem uf dr Ärde isch d Biosfääre, wo alli terrestrische und akwatische Ökosüsteem uf dr Ärde umfasst.
Zwüsche de Organisme im ene Ökosüsteem existiere vilfachi Wäggselbeziejige und Abhängigkäite. Do drzue ghööre zum Bischbil die trofische Beziejige vo verschiidene Arte vom Ökosüsteem, wie dr Stoffusdusch zwüsche Primärbroduzänte und terotrofen Gliider in dr Naarigschetti in dr Form vo sümbiotische Beziejige (Mykorrhiza), Parasitismus und Saprophilii.
Dä Artikel basiert uff ere fräie Übersetzig vum Artikel „Ökosystem“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Ökosystem, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.