Isizindalwazi siwuhlelolwazi oluvumela ukuhelwa kolwazi kanye nezinto ezimcivula ngoxhakaxholo.
Imibhalo nezinsiza ezilandekayo (downloadable) zenziwa ukuba zitholakale oxhoxhweni ngesiphakeli solwebu (web server) futhi zingafikelelwa ngezinhleleliso ezifana neziphequluli zolwebu. Iziphakeli nezinsizakusebenza ezikuLwebu loMhlaba Wonke zihlonzwa futhi zifunyanwe ngemicu yophawu ebizwa iziFumani ziNsiza (URL). Uhlobo lombhalo wendabuko nosavamile ubizwa ikhasi lolwebu, olunikinwa ngoLimi lweKhongco (HTML). Lolu limi lwesiqakaqo luxhasa isiqakaqo esicacile (plain text), imifanekiso, isiqikili semibukiso nezilalelwa, kanye neziqakaqo ezigununda ukwenanana kwabasebenzisi okuyinkimbinkimbi. Ulimi lweKhongco lubuye luxhase namakhongco ahlinzeka ngofukelelo kwezinye izinsizakusebenza zolwebu. Ukuphequlula ulwebu, kuyindlela elula nevamile yokulandela amakhongco kwizizindalwebu eziningi. Ukwaziswa okuselwebini kudluliswa kuxhakaxholo ngokusebenzisa igumelo lweKhongco lokudlulisa (HTTP).
Izinsizakusebenza zolwebu eziningana ezinesihloko esifanayo negama lesidlangala elifanayo zakha Isizindalwebu. Isiphakeli soLwebu esisodwa zihlinzeka izizindalwebu eziningana, kuyilapho ezinye izizindalwebu, ikakhulu ezidumile , zihlinzekwa iziphakeli eziningana. Isiqikili zesizindalwebu sona sihlinzekwa inqaba yezimishumanqa, izinhlangano, nezinhlangano zikahulumeni, kanye nangabasebenzisi; futhi sibandakanya intilibathwa yenani lokwaziswa okufundisayo, bezokuzojabulisa, bezentengiselwano, nobukahulumeni.
ULwebu loMhlaba Wonke seluphenduke umakhonya womhlaba wethala lamahlelokusebenza. Luyithuluzi eliyinhloko izinqindi zabantu ezilisebenzisa ukuze zinanane noxhakaxholo.
ULwebu laqanjwa ngu-Tim Berners-Lee e-CERN ngowe-1989 futhi lwavulelwa umphakathi ngowe-1991. Laluthathwa ngokuthi "isimiso sokwaziswa esikhongcwe jikelele".
ULwebu lwaqanjwa ngusonzululwazi ongumNgisi uTim Benners-Lee ngesikhathi esebenzela inkampani ebizwa CERN. Waludala njengesimiso sokuphatha ukwaziswa esisebenzisa izicabango nezobuChwepheshe ezimbalwa, phakathi kwazo eziyisisekelo kakhulu kungukuxhumana okukhoba phakathi kokwaziswa. Isiphakamiso sokuqala salotshwa ngowe-1989, futhi isimiso esisebenzayo sagunundwa ekupheleni kowe-1990 kuhlanganisa nesiphequluli soLwebu loMhlaba Wonke kanye ngesiphakeli se-HTTP. Lobu buchwepheshe bakhululelwa nezinye izikhungo zocwaningo kusukela ngowe-1991 kuMasingana, ekugcineni emphakathini wonke ngomhla zingama-23 kuNcwaba 1991. ULwebu lwaba impumelelo e-CERN, futhi lwaqala ukusabalalela kwezinye izikhungo zenzululwazi nobungqandavu. Phakathi kweminyaka emibili elandelayo, kwakunezizindalwebu ezingama-50 ezidaliwe.
This article uses material from the Wikipedia isiZulu article Isizindalwazi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiZulu (DUHOCTRUNGQUOC.VN) is an independent company and has no affiliation with Wiki Foundation.