IKhazi liyinhlwa yevanga enophawu Pt nenani lobuchwe elingama-78. Liyinkimbi ewugqinsi, egobekayo, elula, esabela kakhulu, eyigugu, enombala omhlophe sacwebe. Igama layo elithi ikhazi liqhamuka kubukhazikhazi bayo obucwebezelayo.
IKhazi liyilungu lezinhlwa eziyiqembu lekhazi neleqembu le-10 lezinhlwa zecansi lezinhlwa. Linezihlukombe (isotope) eziyisithupha ezingokwemvelo. Liyinhlwa eyivelakancane egobohleni lomhlaba. Litholakala likanye namadwala esiNimbi nawesokhele nokunye, ikakhulu eNingizimu Afrika, ekhiqiza ama-80 ekhulwini umhlaba wonke. Ngenxa yokuba ivelakancane egobohleni lomhlaba, kukhiqizwa amathani angamakhulu ambalwa kuphela, futhi ngenxa yokusebenzisa kwalo okubalulekile, libiza kakhulu futhi liyinkimbi ethengiswayo eyigugu kakhulu.
This article uses material from the Wikipedia isiZulu article IKhazi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiZulu (DUHOCTRUNGQUOC.VN) is an independent company and has no affiliation with Wiki Foundation.