香港民主民生協進會

佢哋嘅使命係「促進民主、改善民生」，致力為中下階層市民爭取權益，喺泛民主派入面，屬溫和民主派。2021年修改會章，表明支持（北京當局未經諮詢、香港人同意而強行訂立，兼且引起泛民主派一致負評嘅）《香港國家安全法》。

民協而家有大約80名會員，旗下有6名區議員，主要集中九龍西一帶，特別係深水埗區，重成功主導深水埗區議會，被稱為「深水埗黨」。

第一任主席係陳立僑，而家嘅主席係黃大仙區議員廖成利，副主席係李庭豐，秘書長係黃虹銘。

區議員（2020-2023）

2020年至2023年，民協响3個區議會中，一共有19個議席，當中11名議員响2021年7月劈炮（包括何啟明、衛煥南、李炯、徐溢軒、楊彧、利瀚庭、江貴生、譚國僑、施德來、許錦成、楊智恆），重有2名議員（麥偉明、江鳳儀）退出民協，第六屆區議會任期結束嗰陣時嘅區議員包括：

2023年第7屆香港區議會選舉之前，周啟廉同埋郭偉誠原本有望參選，可惜佢哋最後攞唔夠三會成員嘅提名而棄選，結果泛民主派民選區議員清零，民協6名區議員响2023年12月31號任期結束。

1. 第一屆主席：陳立僑（副主席：馮檢基、李永達）
2. 第二屆主席：馮檢基（副主席：梁廣昌、羅祥國、廖成利）
3. 第三屆主席：廖成利（副主席：譚國僑、任國棟）
4. 第四屆主席：莫嘉嫻（副主席：譚國僑、施德來）
5. 第五屆主席：施德來（副主席：何啟明、楊彧）
6. 第六屆主席：廖成利（副主席：李庭豐）

• 香港政治
• 竹筍二十年（一）
• 竹筍二十年（二）

• 香港民主民生協進會

呢篇香港民主民生協進會係關於香港嘅楔位文章，重未完成嘅。麻煩你幫手補充佢嘅內容。

  呢篇香港民主民生協進會係政治類嘅楔位文章，未完成；麻煩你幫手加下料，充實佢。