通用頂級域
通用頂級域（generic top-level domain，gTLD），又叫通用頂級域名，係互聯網號碼分配局（IANA）管理嘅一類頂級域，區分唔同種類嘅機構。
通用頂級域喺1985年開始有，初頭有六個：.com、.edu、.gov、.net、.org 同 .mil，到2000年代開始陸續加，而家已經有幾百個。
通用頂級域本來並唔通用；喺國家同地區頂級域出現之後，.com、.edu、.gov、.org 同 .mil 嘅意思一度定義做 ｢美國嘅牟利機構｣、｢美國嘅專上學院｣、｢美國聯邦政府｣、｢美國嘅非牟利機構｣ 同 ｢美國軍部｣，唔喺美國嘅其他機構（例如加拿大本來用開 .edu 嘅大學）全部要轉用國家同地區頂級域。到而今 .gov 同 .mil 仍然只限美國聯邦政府同美國軍部用。
互聯網開始普及之後，好多本來同科研無關嘅公司開始用互聯網，好多唔知所謂 ｢通用頂級域｣ 其實係美國專用，有啲負責域名域冊嘅機構為咗賺錢，亦都冇阻止唔係美國嘅公司機構註冊；大約2000年左右，.com、.net 同 .org 被重新定義，變成唔係美國專用嘅通用域名。
睇埋
This article uses material from the Wikipedia 粵語 article 通用頂級域, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.