Template:Infobox electronic payment
羊城通(粵拼:joeng4 sing4 tung1)係中國廣州市嘅交通儲值卡,可用來坐公共汽車、的士、地鐵、渡輪,亦可以用來喺某啲商店找數。而家已經加入咗嶺南通系統,所有羊城通卡唔使換卡就可以喺嶺南通嘅使用範圍裡邊用。
羊城通系統嘅全名係廣州市城市公共交通電子收費系統建設工程,係廣州市嘅一項重點工程。工程分為後台管理中心、前台公用子系統(公交、渡輪)同地鐵子系統,分別由廣州羊城通有限公司(原廣州交通電子收費營運有限公司)、廣州市公共交通數據管理中心同廣州地鐵公司負責起同管。
羊城通有押金卡、紀念卡、聯名卡同異型卡四種。聯名卡除咗普通羊城通卡小額消費功能,仲有銀行卡理財消費功能。
不過宜家好多賣羊城通嘅地方都會出現押金卡缺貨嘅情況,跟著就兜售啲“紀念版”,通常賣¥35。但紀念版羊城通真係唔退得卡嘅,而且所謂嘅“紀念版”都係好普通,可以講通街嘅紀念版嘅款式都一樣,冇咩收藏意義。不過押金卡缺貨嘅問題其實原因在於押金卡嗰¥20可以退得返,所以好多人買卡都係搵押金卡先,好賣所以就成日缺貨。喺靠近交通樞紐嘅便利店,即使每隔兩三日就入二三十張卡返來賣,但都好快會賣嗮。
羊城通係一種非接觸式智能卡,係電子貨幣中使用上好方便。無論係進行交易定是充值,操作都好簡單。
用羊城通畀錢嗰陣,用者只需將羊城通卡放近機器嘅驗卡區域,錢就會自動被扣。交易時間平均0.3秒。交易完,讀卡器會“嘀”一聲響,顯示屏會顯示被扣嘅金額同卡嘅余額。而高音調、長時間嘅“嗶哩嗶哩”聲,就代表交易未完,羊城通機會著紅燈。常見嘅原因係張卡未對準驗卡區、或張卡唔夠錢。
由於羊城通係非接觸式智能卡,所以就算隔著几厘米嘅普通物料(如膠同皮等),只要對准驗卡區域,都可以感應得到,所以只需攞起荷包、手袋甚至係將裝有衫嘅袋放近驗卡區域,都可以進行羊城通交易。
注:目前喺各個地鐵站大堂嘅服務窗羊城通充值業務已經取消咗。
羊城通幾乎適用於廣州市(包括市區及花都、增城、從化、南沙)所有嘅公共交通工具同埋部分嘅大型連鎖店,例如部分百佳、勝佳超市、麥當勞、肯德基快餐店同全線7-ELEVEN、全家FamilyMart、Circle K、喜士多、Vango便利店等。廣州好多新款機器都接受羊城通付款,包括收費公用電話亭等。
亦可以喺嶺南通支持嘅地區使用。
當使用羊城通坐地鐵嗰陣,地鐵公司會收取比單程票平嘅車費,折扣係單程票價嘅9.5折。
以前嘅優惠措施係,羊城通系統喺2001年12月30號投入試運行,嗰時為咗配合系統嘅應用同埋推廣,各公交公司都實行咗坐車(船)九五折嘅優惠措施,但係由2003年9月1日起,各公交公司對攞羊城通卡乘坐車(船)者恢復按物價部門核定嘅標準收費。乘客持羊城通卡乘坐公共汽車、渡輪,可以享受嘅九五折優惠被取消,祗有地鐵公司繼續保留9.5折優惠措施
持卡人祗可喺羊城通客戶服務中心退卡。
范圍:僅限普通票卡,其他種類卡唔辦理該業務。普通票卡余額大于10元(含10元)須收取余額10%嘅手續費。
退卡方式:
客戶服務中心地址:
由於除學生卡、老人優待卡以外嘅羊城通都係唔記名嘅,唔見咗就只可以買過張新嘅,唔可以申請掛失。近排新開嘅羊城通捆綁銀行卡充值嘅業務,咁捆綁咗賬戶嘅持卡者更加唔可以唔見張卡,唔見嘅話銀行卡入面嘅存款就可能會被人充入羊城通卡使嗮。
創新不足,近年來推出嘅新產品都無受到消費者太大嘅青睞。譬如支付寶、財付通網上充值服務,由於羊城通(或者講嶺南通)遲遲未開始研發結合NFC技術嘅充值方式,導致用家眼見北京市政一卡通等其他城市嘅手機NFC充值服務,自己就要喺網上付款充值後,再跑到人工或自動充值網點進行飛充。而網充寶嘅高價錢、操作複雜性就更加睇唔出佢係一款面向大眾消費者嘅產品。
This article uses material from the Wikipedia 粵語 article 羊城通, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.