温穎琦(英文:Ollie Wan,原名Olivia,1987年1月4號—),係香港女藝人,2020年用前空姐嘅身份主持ViuTV清談節目《轉機 ON AIR》而出道。現係ViuTV《3分鐘熱度》及《Interviu》娛樂新聞主持。
温穎琦本嚟係位空姐,2020年被裁員後轉職幕前,畀ViuTV招募做清談節目《轉機 ON AIR》嘅其中一位航空從業員主持。2021年佢再參加ViuTV另一真人騷《最後一屆口罩小姐選舉》,代號「服務員」,最後廿強止步。同年,佢做咗「培生擂台:無敵盃」女子拳擊表演賽兩位參賽者之一,對手係參加過ViuTV另一真人騷《造美人》嘅張育玲(Kathy)。
This article uses material from the Wikipedia 粵語 article 温穎琦, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.