the pancakes係香港一個單人匹馬嘅樂隊。成員得獨立自作自唱歌手dejay,亦都自稱阿戟,原名蔡明麗(Choi Ming Lai Dejay),但唔中意公開自己中文全名。呢個樂隊最特別嘅地方,係dejay把聲似細路,而啲歌明朗簡單易上口。the pancakes嘅歌,多數都係英文歌來嘅。不過都有唔少廣東歌。
the pancakes曾經響中華電力告白出現過。佢嘅歌用過響九巴、𣾀豐、生力啤、Qoo、麥兜告白上面,亦都做過麥兜電影配樂。
dejay係1996年入讀香港大學翻譯系,入住利希慎堂。讀港大期間,佢讀過科Music Technology(音樂科技),發覺自己一個都可以做音樂。佢同其他人夾過Band。1996年三人band,The Postcard。1997年自己一個搞Ginger Biscuits。1999年又搞過三人band Tricycle Rider。唔同表演有唔同嘅樂隊名,不過到咗the pancakes,就定咗落來。1999年dejay文學士畢業,響香港歌德學院(Goethe-Institut)圖書館做過嘢。
之後佢唔做圖書館,轉為全職唱歌。佢做唱片全部係自己一手一腳做嘅,唔理係作曲,填詞,彈樂器,唱歌,錄音,混音都係自己搞掂。dejay佢17歲先學結他,佢亦都識玩少少鍵琴。不過響台佢只係會用一種樂器。唔單止呢,佢連管理宣傳都自己搞埋。
dejay搵過西班牙Elefant Records幫手,出版佢嘅唱片。同一時間佢自己搞埋Rewind Records。香港就Rewind Records負責,而世界各地就Elefant Records搞,但係宜家同Elefant Records嘅合約暫時已經完左。
2005年,第廿四屆香港電影金像獎,佢就憑《麥兜菠蘿油王子》裏《咁咁咁》得到最佳原創電影歌曲獎。呢套戲裏面,佢同角色Miss Chan Chan配音。
This article uses material from the Wikipedia 粵語 article The pancakes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.