Akb48

AKB48
AKB48 performing at the Nokia Theatre in Los Angeles, California, July 2010
組合
國籍	日本
音樂類	J-pop
活躍年代	2005年 —
唱片公司	AKS（2006年—） DefSTAR Records （2006年—2008年） You, Be Cool!/KING RECORDS （2008年—）
網站	akb48.co.jp
相關團體	SKE48 NMB48 HKT48 JKT48 SNH48 no3b Watarirouka Hashiritai No Sleeves French Kiss Not Yet DiVA Nogizaka46
現任成員
AKB48成員表
前任成員
AKB48前任成員表

AKB48嘅創辦人同總製作人秋元康係創造一個幾乎每日都會表演同埋擁有自己嘅表演劇場嘅女子組合。成員人數經過多次增減，目前分為5個隊及研究生隊伍，主要作為輪流進行劇場公演嘅分組之用。AKB48亦獲健力士世界紀錄認證為世界上最多成員嘅流行團體。

AKB48取得成功後，秋元康以相近模式陸續喺日本其他都市同海外成立SKE48、SDN48、NMB48、HKT48、NGT48、JKT48、SNH48等姊妹組合，向唔同市場發展。2013年5月，AKB48成為日本史上單曲銷量最高嘅女性歌手。2014年2月，喺日本嘅CD總銷量突破3000萬張。2015年9月，喺日本嘅CD總銷量突破4,000萬張。

Team A

由2018年4月2日起手，新編制嘅Team A通常會加隊長岡部麟嘅名，叫做「岡部Team A」（第六代），以便同2015年9月1日嘅「橫山Team A」（第五代）、2014年4月24日嘅「高橋Team A」（第四代）、2012年11月1日嘅「橫山Team A」、篠田麻里子喺2013年7月22日畢業之前嘅「篠田Team A」同埋2012年10月31日之前嘅二代Team A（高橋Team A）做出分辨。Team A嘅代表顏色係「■粉紅色」，至於分隊創立嗰陣嘅第一代Team A就會叫做「原Team A」（日文：元チームA）或初代Team A，其他隊伍同樣會噉樣做。

Team 8兼任成員

• 岡部麟（Team A隊長）、奥本陽菜、小栗有以、下尾美羽、吉田華戀

Team K

新編制嘅Team K通常會加隊長込山榛香嘅名，叫做「込山Team K」，方便同2015年9月1日嘅「峯岸Team K」，2015年9月1日之前嘅「橫山Team K」，2014年4月24日之前嘅「大島Team K」同埋2012年10月31日之前嘅第二代Team K（秋元Team K）做出分辨。至於由二期生組成、創隊嗰陣時嘅第一代Team K就通常會叫做「元Team K」（日文：元チームK）又或者初代Team K。Team K嘅代表顏色係「■綠色」。

Team 8兼任成員

• 小田繪里奈、倉野尾成美、橋本陽菜、春本由纪、左伴彩佳、山田杏華、橫山結衣

Team B

新編制嘅Team B又通常會加前任隊長高橋朱里或者隊長岩立沙穗嘅名，叫做「岩立Team B」（高橋朱里Team B），方便同2015年9月1日嘅「木崎Team B」，2015年9月1日之前嘅「倉持Team B」，2014年4月24日之前嘅「梅田Team B」，2012年10月31日之前嘅原Team B（柏木Team B）做出分辨，至於主要由3期生組成、創立嗰陣時嘅Team B，就通常會叫做「原Team B」（日文：元チームB）或者初代Team B。Team B嘅代表顏色係「■藍色」。

Team 8兼任成員

• 奥原妃奈子、川原美咲、清水麻璃亞、服部有菜、本田仁美、吉川七瀬

Team 4

新編制嘅Team 4又通常會加隊長村山彩希嘅名，叫做「村山Team 4」，方便同2015年9月1日嘅「高橋朱里Team 4」，2013年8月24日喺東京巨蛋重組直到2015年9月1日之前嘅「峯岸Team 4」，同埋2011年6月6日至2012年11月1日間曾存在過，冚𠾴由9至12期研究生組成、由大場美奈擔任隊長嘅初代Team 4做出分辨。Team 4嘅代表顏色係「■黃色」。

Team 8兼任成員

• 歌田初夏、大西桃香、行天優莉奈、坂口渚沙、高岡薫、高橋彩音、高橋彩香、永野芹佳、濱咲友菜、平野光、宮里莉羅

チーム8

「Team 8」喺2014年4月3日嗰陣時正式組成，係AKB48第5支分隊，拎「去見你的偶像」（会いに行くアイドル）嚟做活動宗旨，由2014年5月開始喺日本全國活動，而喺同年夏季起喺AKB48劇場嘅公演度表演。Team 8 由豐田汽車贊助，係AKB48第一個由外部廠商全面贊助嘅分隊，故此佢嘅個別活動多數會同豐田汽車嘅銷售部門合作，喺 Team 8 嘅歌曲MV入面耐唔耐都會見到豐田汽車嘅產品入鏡。

同前面四隊不同，Team 8嘅成員係嚟自日本全國47個都道府縣每個揀一個代表出嚟而組成嘅，故此成員人數常態嗰陣通常有47人；當有成員要離開隊伍嗰陣，會喺當地補辦揀會盡快噉揀返出替補嘅人選。基於贊助商嘅政策，Team 8係AKB48入面唯一冇設置隊長職位嘅隊伍，但係喺分隊嘅集體活動入面，曾經就由前京都府代表太田奈緒（日文：太田奈緒）擔任臨時隊長嚟帶領。

Team 8有獨特嘅組成方式，故此喺團體運作上嚟講佢係偏向做AKB48嘅「子團體」而唔係做分隊，同其他分隊有唔少位有分別。成員平時會喺自己所出身嘅都道府縣活動或者就學，亦都冇得成日停留喺東京嘅AKB48（關東地方成員除外），故此參加AKB48全團嘅活動嗰陣時（握手會、演唱會等等）好難冚𠾴集齊曬啲全員，劇場公演亦都定必要揀喺週末、例假日或者長假呢啲時間度（譬如寒春暑假）舉行，冇辦法同其他分隊同樣噉每日輪值。成員嘅制服冇採用到AKB48全團嘅通用設計，而係有另外嘅專屬款式。相對噉嚟講，啲成員從事演藝活動嗰陣時，除咗係AKB48嘅一員之外，重會強調「Team 8」呢個身分，尤其係喺出身地嘅場合度；而Team 8嘅歌迷對於「Team 8」呢個招牌亦都幾認同下。

喺Team 8成員入面，大西桃香嘅所屬經紀公司係Alligator，清水麻璃亞、小田繪里奈嘅所屬經紀公司係CENTRAL，本田仁美嘅所屬經紀公司係Vernalossom，小栗有以嘅所屬經紀公司係Zest，其餘成員嘅所屬經紀公司係DH。下列冇喺備註寫加入日期嗰啲成員呢就係Team 8起始嘅成員嘞。

2018年4月2日起，當時嘅Team 8全體成員開始兼任團入面嘅唔同分隊。

Team 8嘅代表色係「■深藍色」。

• 就是在這裡（2011）
• 1830m（2012）
• 未來軌跡（2014）
• 這裏是羅德斯島、在這裏跳吧！（2015）