閻羅王(粵拼:jim4 lo4 wong4,梵文 Yama-raja,西藏文 gsin-rje),又叫 閻羅大王、閻魔羅王,閻魔係梵文音譯,佢係古印度神話入面,陰間最大嗰個,佢掌管人嘅生死同輪迴,同時又係所有鬼嘅大王。
根據中國民間傳說講,人死咗之後會去到陰曹地府,接受閻羅王審判,佢有一本生死冊,入面寫晒每個人幾時出世幾時死,閻羅王根據本生死冊,邊個係時候死,就會派無常鬼去將呢個人嘅魂魄押返陰曹地府受閻羅王審判。閻羅王會根據人生前做幾多好事壞事,判決佢魂魄應該去邊,如果魂魄生前積好多陰德,就畀佢魂魄成仙,又或者畀個魂魄投胎落好人家過好日子。如果魂魄生前作惡多端,就會根據返佢有幾衰,按程度落十八層地獄相關嗰層。
This article uses material from the Wikipedia 粵語 article 閻羅王, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.