Si Yama (Devanagari: यम o Yamarāja (यमराज), sarong dios nin kagadanan, dharma, an giya sa habagatan, asin an kinaban sa irarom kan daga na pangenot na kabtang nin relihiyon na Hindu asin Budhista, kabilang sa enot na stratum nin mga dios kan Rigvedic Hindu.
Sa Sanskrito, an pangaran niya mainterpretar na boot sabihon "kambal." Importante man siyang dios na sinasamba kan mga taga Kalasha asin dati kan mga banwaan nin Nuristani, na nagpaparisa kan saiyang pagkaprominente sa suanoy na Hinduismo.
Sa Hinduismo, si Yama aki nin dios kan saldang na si Surya asin Sanjana, aki ni Vishvakarma. Si Yama tugang ni Sraddhadeva Manu asin kan saiyang matuang tugang na si Yami, na ipinarisa ni Horace Hayman Wilson na nangangahulogan kan Yamuna. Segun sa mga Veda, sinasabi na si Yama an enot na mortal na nagadan. Nin huli ta mas amay pa, siya na an nagin tagapamahala kan naghali, asin inapod na "Kagurangnan kan mga Pitrs".
Naunambitan sa Pāli Canon kan Theravada Budhismo, si Yama sunod na naglaog sa mitolohiyang Budhista sa Sirangan na Asya, Sur-subangan na Asya asin Sri Lanka bilang sarong Dharmapala sa irarom nin manlaenlaen na transliterasyon. Kun minsan siya inaapod man na "Dharmaraja."
This article uses material from the Wikipedia Bikol article Yama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.