葛珮帆

葛珮帆不時喺一啲公開文件上面聲稱自己擁有博士學歷，但隨著唔同人嘅查證，發現佢嘅學歷備受質疑。

學歷

• 哲學博士（管理），格林威治大學
• 工商管理碩士，格林威治大學
• 工商管理學士，格林威治大學
• PADI 深海潛水教練牌照（OWSI-461859）
• 家陣係香港大學社會學系家庭研究院碩士研究生

質疑

根據互聯網專業協會網站列出嘅學歷，葛博士先後有格林威治大學三個學位：工商管理學士、工商管理碩士、哲學博士（管理）。2007年傳媒報導間大學只係未經評審嘅「文憑工廠」（即係香港所謂「野雞大學」），學位未獲澳洲同美國政府承認。大學網頁指出學校2009年搬去巴基斯坦後得到當地政府認可。

2016年立法會選舉時，葛珮帆遭人民力量袁彌明批野雞大學「買學位」，葛回應話「用9年時間好辛苦讀返嚟，係捱返嚟嘅」。競選後，立法會網頁無顯示葛珮帆學歷。葛去資訊科技及廣播事務委員會開會遭當面質疑，佢重申：「如果我學歷有問題，今日一定唔可以坐喺度做議員」。但被問到見證佢博士學歷嘅論文嗰陣，佢就話無留底。

有關聲明造成社會回響，甚至連其他建制派「同事」都「講過」，例如遭湯家驊抽水。好似近期2016至2020年第六屆立法會時，政府網都「學歷及專業資格」履歷一項重無提過，或根本無申報。

2021年，佢喺李家超無提政綱嘅情況下，有份提名李家超參與2022年香港行政長官選舉。

葛珮帆係香港親中派嘅一員，亦因為咁有啲言論備受爭議，佢甚至有一啲被視為激進中國民族主義嘅表現。

「佔中」令訪港旅客減少

葛珮帆斷言佔領中環令來港旅客減少，但政府即場提供數據指出講法錯誤。

2014年10月23號立法會會議上，葛珮帆附和姚思榮對雨傘革命影響旅遊界業言論。佢要求政府公佈有關當時佔中期間訪港旅客數字。政府即日回覆，9月29號至10月16號，共18日，旅客數字按年升11.4%至約300萬人次，大陸旅客升15.6%至238.5萬人次，當中大陸團增逾三成至近30萬人次，個人遊增逾一成至152.6萬人次，探親、商務等旅客增23.6%至56.6萬人次。有民主派報章指葛氏已「捉蟲」。

聲稱有警員超過十成皮膚燒傷

2019年10月3號，由建制派議員、人大代表同退休紀律部隊人士籌組《禁蒙面法推動組》舉行成立記者會。作為召集人，葛珮帆話有示威者用鏹水射差佬，造成「有警員超過十成皮膚受到燒傷」。「超過十成」論一出，即遭批評無常識。

附和反對「HKmap.live」

2019年10月10號，葛珮帆話HKmap.live危害香港警察同市民， Android應該都要禁止佢 智能手機應用程式。不過相關程式只係顯示「即時資訊」。內容出自電視即時新聞同網上即時視頻，只係記錄而家情況，無公開警方將來部署。程序內無「先知」同水晶球。而家，同類應用重可以上網下載，同有網頁版！iPhone用家手機已「越獄」就會有「自由」。

著上『中國人不吃這一套』T恤

葛珮帆喺2021年7月1號出席一個花車巡遊慶祝中國共產黨百年黨慶同香港回歸嘅時候，著上咗一件「中國人不吃這一套」嘅T裇，事後佢話係希望希望表達反對外國干預香港嘅信息。不過，呢句口號本身被視為係中國民族主義同戰狼外交之下嘅象徵，最初出自中國外交官楊潔篪，但口號喺國際社會就充滿爭議性，甚至有啲人形容楊潔篪咁樣係潑婦罵街。

• 世貿聯合基金總會名譽主席

• 太平紳士（2010年）
• 銅紫荊星章（2017年）

• 18仝人愛落區
• 2007年香港區議會選舉
• 2011年香港區議會選舉
• 2012年香港立法會選舉
• 2016年香港立法會選舉
• 香港十大傑出青年

 

維基同享有多媒體嘅嘢：
Elizabeth Quat

• 葛珮帆嘅官方網站
• 〈香港特別行政區立法會 -葛珮帆議員, BBS, JP〉 (繁體中文). 香港特別行政區立法會.
• 〈香港特別行政區立法會 - 議員資料庫〉 (繁體中文). 香港特別行政區立法會.
• LegComembers—立法會議員，民建聯
• 政策發言人 | Policy spokespersons—資訊科技及廣播事務，民建聯
• 事務委員會主席 | Committee chairpersons—婦女事務委員會，民建聯
• 〈葛珮帆博士, JP - 互聯網經濟峰會 2017〉 (繁體中文). 互聯網經濟峰會 2017.
• 香港網絡大典：葛珮帆
• 葛珮帆嘅facebook頁
• 葛珮帆嘅新浪微博