莫里哀

本身叫做金-巴蒂斯特•波克蘭（Jean-Baptiste Poquelin）。莫里哀係佢嘅藝名。莫里哀生於一個富裕嘅屋企，10歲無咗媽咪，公公成日帶佢去睇鬧劇、喜劇同悲喜劇，於是佢自細鍾意戲劇，讀過克萊蒙特學院（依家嘅路易大帝中學）。佢早期思想俾無神論同自由主義影響，想用戲劇改番世風，自己組劇團喺巴黎演出，失敗之後，隨住流浪藝人去外省巡迴演出，重去咗創作。莫里哀嘅作品有33部劇作同8首詩。

莫里哀僚法國古典主義作家嘅代表，但佢寫劇本喺好多方面突破古典主義嘅陳規舊套，表現出文藝復興時期嘅人文主義思想。

• 1622年1月15號，佢喺巴黎一個有「王室侍從」身份嘅宮廷室內陳設商家庭出世。
• 1643年，佢放棄世襲權利，同貝雅爾兄妹等朋友組「盛名劇團」喺巴黎演出。
• 1644年，佢改藝名做莫里哀。
• 1664年，佢同見到音樂家呂利，開始兩個人嘅合作。
• 1673年2月17號，佢死於結核病。

莫里哀俾人讚係依家法國喜劇嘅創始者，好多莫里哀劇本用到嘅詞語依家嘅法文重有用：

• Tartuffe係指偽君子，尤其係受道德或者受虔誠宗教影響嘅偽君子。
• Harpagon係《孤寒鬼》一劇嘅主角，係好貪心同低下嘅人。

• 《可笑嘅女才子（法文：Les Précieuses ridicules）》（Les Précieuses ridicules，1659年）
• 《偽君子（法文：Le Tartuffe ou l'Imposteur）》（Le Tartuffe ou l'Imposteur，1664年）
• 《唐璜（法文：Dom Juan ou le Festin de pierre）》（Dom Juan ou le Festin de pierre，1665年）
• 《憤世者（法文：Le Misanthrope ou l'Atrabilaire amoureux）》（Le Misanthrope ou l'Atrabilaire amoureux，1666年）
• 《孤寒鬼》（L'Avare，1668年）係深刻嘅性格喜劇之一。
• 《浦爾叟雅克先生（法文：Monsieur de Pourceaugnac）》（Monsieur de Pourceaugnac，1669年）
• 《貴人迷（法文：Le Bourgeois Gentilhomme）》（Le Bourgeois Gentilhomme，1670年）
• 《無病呻吟（法文：Le Malade imaginaire）》（Le Malade imaginaire，1673年）