文藝復興

呢場文化運動基本上係以復興古羅馬為名，改變中世紀逐漸嚴重嘅腐敗，但係唔係將古羅馬原樣重現，而係加入新思考同檢討，所以做出實際上係一種徹底唔同嘅新型態文化變革，其中雖然囊括咗對古典文獻嘅重新學習同承接，但係響繪畫方面透過直線透視法嘅發展，同逐步開展嘅中古時代教育變革，令到人體結構、化學、天文技術同科學知識嘅追求等等，呢啲極重要嘅近代科學發展，除咗打破神權時代，亦都打破咗希臘羅馬嘅古文化。傳統觀點認為，呢種知識上嘅轉變令到文藝復興發揮咗銜接中世紀同近代嘅作用。即使文藝復興響知識、文學、社會同政治各個方面都引發咗巨大變革，但係令佢聞名於世嘅重有呢個時期嘅藝術成就，同達文西、米開朗基羅等博學家做出嘅創新貢獻。

多數人都認為文藝復興係起源於意大利（「文藝復興」嘅英文「The Renaissance」喺出自意大利話Rinascimento，意思即係重生），之後影響咗成個歐洲。

自羅馬帝國分裂後，意大利分成小國。各國借地中海，由海路到阿剌伯，生意好發達。咁使意大利各國嘅人，有足夠經濟能力，去搞文化嗜好。文藝復興唔少名人，好似達文西、伽利略，都係由有錢佬支援佢哋。呢啲文化人都係從古希臘同古羅馬嘅古典文化之中吸收，希望能夠復興昔日歐洲嘅燦爛文化。亦即係話，「文藝復興」其實係重新創造知識同精神文明。

各國頭頭同貴族，都極力崇拜古希臘同古羅馬文化，厭棄中世紀盛行禁欲主義。而羅馬教廷亦都好腐敗，好多教宗都掛住享樂，重犀利過班貴族。佢哋都時不時起用藝術家，希望滿足佢哋嘅欲望。

文藝復興嘅本質係主張個性嘅解放。舊陣時歐洲深受羅馬天主教嘅影響，社會風氣守舊。文藝復興強調個人，認為人有權利享受。以前歐洲好多作品都淨係反映宗教，但文藝復興就唔再淨講宗教，而更多咁反映咗一般人嘅生活入面。其中嘅代表性例子有達文西嘅《蒙羅麗莎》。

• 但丁
• 達文西
• 伽利略
• 米高安哲羅
• 哥白尼
• 維塞利亞斯
• 莎士比亞

 

維基同享有多媒體嘅嘢：
Renaissance

   呢篇文藝復興係一篇關於歷史嘅楔位文章。你可以編輯呢一版嚟充實內容。